تضمین از شعر مرحوم حکیم ملا محمد فضولی
.
یاعلی عیدِغدیرخُم بیرعنوان دیر سنه
حُکمِ ربُّ العالمین قرآن دا میزان دیر سنه
اَمرِحق پیغمبره گلدی نگهبان دیر سنه
سن امیرالمؤمنین سن نَصِّ قرآن دیر سنه
«ای مَلَک سیماکی سندن ئوزگه حیران دیرسنه»
«حق بیلیرانسان دئمزهرکیم کی انسان دی سنه»
.
.
سنسن اُوْل«السّابقون السّابقون»دا،خوش نشان
امتحانین دا قالیب حیرت ده اَبنایِ زمان
سن«لَنا»نی«لا»ائدن«نون»سان کی وئردین امتحان
جان سنه قربان دی ای مولای جمله اِنس وجان
«وئرمَه یَن جانین سنه بولماز حیاتِ جاودان»
«زنده ی جاوید اُونا دئرلرکی قربان دی سنه»
.
.
مجلسِ اُنسی کمال ایده آلین قیلدی عشق
محفلِ جمعی شیرین دادلی مقالین قیلدی عشق
مکتبِ دینی جهادبی مثالین قیلدی عشق
منزلِ حقّی قدومِ پُرجلالین قیلدی عشق
«عالمی پروانه ی شمعِ جمالین قیلدی عشق»
«جان عالمسن فدا هرلحظه مین جان دیرسنه»
.
.
ایل سنین آدینلاتحویل اولماساخوش ایل دئییل
دیل سنی وصف ائتمَسَه بیرپارچا اَت دیردیل دئییل
جان دئییم قربان سنه اولسون جانیم قابل دئییل
حیدرمشکل گشاسن بعضی لر قائل دئییل
«عاشقه شوقون لَه جان وئرمَک سنه مشکل دئییل»
«چون مسیحِ وقت سن جان وئرمک آسان دیرسنه»
.
.
طنطنه سال عالمه کفّارطعنین دن ساقین
کوکبِ عرشِ بَرین اَشرارطعنین دن ساقین
گون کیمی گؤسترجمالین نارطعنین دن ساقین
سن ایشیق پایلا گونوز اَنوارطعنین دن ساقین
«چیخما یاریم گئیجه لر،اغیارطعنین دن ساقین»
«سن مَهِ اوجِ ملاحت سن بونقصان دیر سنه»
.
.
عَلَّمَ الْاَسْمٰادَه اِنس وجِن سنه عالِم دئمیش
حُبّووی هربیرآییق قلبه خدا لازم دئمیش
عشقووه جِبْریل ومیکائیل اؤزون خادم دئمیش
حقّووی انکارائدنلر ئوزلرین نادم دئمیش
«پادشاهیم،ظلم ائدیب هرکیم سنه ظالم دئمیش»
«خوب اولانلاردان یامان گلمزبوبهتان دیرسنه»
.
.
رسم دیرنازک گؤگول اومسا ائدر آه وفغان
عاشق اؤزمعشوقینه قربان دئییرالبته جان
سن ده ای«ستّاری»ساخلاحرمتِ عشقی دایان
آل«قیزیل دان بیرقلم»عنوانی مولادن روان
«ای«فضولی»خوب اولانلاردان تغافل دور یامان»
«گرجفا هم گلسه اونلاردان بیراحسان دیرسنه»
.
.
- دوشنبه
- 28
- مرداد
- 1398
- ساعت
- 15:27
- نوشته شده توسط
- ابوالفضل عابدی پور
- شاعر:
-
اکبر ستاری
ارسال دیدگاه