خدای عز و جل لطفون ایتسه شامل حال
آقام امام رضا قلبین ایلرم خوشحال
قلم آلوب اله باب المرادیدن یازارام
به لطف شاه خراسان جوادیدن یازارام
امیر عاطفه،دریای فضل،معدن جود
نهم امام تشیع به امر حی ودود
ائمه نین هامیسیننان جواندی بو حضرت
ورنده جان آقامین ایرمی بش یاشیدی فقط
اولوبدی جدی امام حسن کیمی مظلوم
ایدوب عیالی بو کان سخاوتی مسموم
نلر اولوب دیمرم قان اولار اشیتسه قلوب
یازیب صریح مناقبده ابن شهر آشوب
اثر قویوبدی جگرده او سم، شتابیله
سوروندی نچه قدم یرده پیچ و تابیله
فقط بوقدر دییم دوغرانوبدی اکبادی
ایدوب چو بیت الحسن، ام فضل بغدادی
آقام بویوردی بیرآز سو ورون الولانیرام
وجودیمه اثر ایلوبدی زهر اودلانیرام
کنیزی سو گتیروب ایلسون اونی سیراب
قلوب شیعه نی ایلوبدی ام فضل کباب
آلیب سویی یره توکدی ددی سوسوز جان ور
حسینه واردی علاقن بو عشقه اعلان ور
گلوبدی اوغلی علی النقی عیادتینه
یوزون اوپوب سو وریب آغلیوبدی محنتینه
آتا باشین دیزه قویدی توکوبدی اشک بصر
قانین سیلیب دوداقیننان او نخل دینه ثمر
همان بو مسئله کرب و بلاده عکس اولدی
اوغول باشین آتا آلدی دیزه گوزی دولدی
گوروبدی مانع اولور قان،دیینمیری بیرسوز
اوقدر نیزه وروبلار اولوب بدن گوزگوز
بغیشله یابن الحسن گر قلم سوزون آزدی
گذشت ایله آقاجان روضه نی آچیخ یازدی
هر ایلده بیرگون امام جواد روضه سی وار
اجازه ورسن اگر مطلبین ادامه سی وار
جنایتین ایلدی ام فضل دون تکمیل
او جسم پاکه نه تشییع اولوبدی نه تجلیل
اراده اتمیشیدی جسمینه جسارت اولا
گون ایستیسی سبب خاری و حقارت اولا
جنازه نی آپاروب پشت بامیده سالدی
قرار قلب بتولی بو ظلمولن آلدی
کبوتران سماء امر ذولجلالیله
گلوبله خدمت اربابه شور و حالیله
جنازه اوسته وریب بسط بال و پرلرینه
بو فعله،سایه سالیبلار امام پیکرینه
به یاد کرببلا وار یری دیاخ ای وای
گون ایسیسینده قالان بی کفن حسنیم وای
- یکشنبه
- 10
- شهریور
- 1398
- ساعت
- 9:37
- نوشته شده توسط
- محدثه محمدی
- شاعر:
-
بهنام فرشی
ارسال دیدگاه