بیان اولوب بو روایت هلال نافعدن
بیان مجملیله عرض حال قیلام من
دیر که سرور لب تشنه شام عاشورا
ایدوبدی حجتین اتمام اول شه بطحا
قالان قالوبدی گیدنلر گیدوب باتوب سسلر
اولوبدی خیمده آرام آل پیغمبر
گیدور امام نگوردوم او چولده صاق و صولا
گوروب او حالتی دوشدوم دالینجا منده یولا
اولوب منه متوجه او شهریار زمن
دیدی هلال ندور مقصدین گلن سنسن؟
دیدیم بلی سنه قربان اولوم هارا گیدوسن
مباد قصد ایده تنها گوره سنی دشمن
دیدی بو دشتی دولانماقدا بول بودور منظور
اگر که جنگ ایلسه بو یرده قوم شرور
صباح اولار باشیمیز جنگیله بیزیم سر گرم
سالار بالاریمی خوفه قوم بی آزرم
منه دوباره دوتوب یوز او شاه عرش جلال
بیوردی گل بو چولی سنده ترک ایله هلال
ایکی داغین آراسین دوت بو یول حجازه چیخار
اوزون بو مهلکه دن ایتگله رها ناچار
دیدیم گرک سنه قربان ایدم بو دشتیده جان
گوزون فداسی قاپوندان منی هارا قوووسان؟
دیر دولاندوق او دشتین او دمده هر طرفین
قیتدی خیمه سینه ساکن اولدی سرور دین
بلالی باشی دوشن هر بلای عظمایه
کمال یاسیله تکیه ایدوب متکایه
خطاب ایلدی زینب او شاه عطشانه
حسین قالانلاریدا ایتدون امتحان یانه؟
ویا صباح آنام اوغلی بولاردا هم گیده جاق
بیزی بو وادی محنتده جمله ترک ایده جاق؟
بویوردی سرور دوران گیدن دگوله بولار
بو غملی چولده بیزی ترک ایدن دیوله بولار
بولاردان عهد آلوب ازلده قادر سبحان
پیمبر اوغلونا ایتسون بو چولده جان قربان
اولوب هلال بو سوزدن ملول ایتدی نوا
صحابه نی اوجا آوازیله ایدوبدی ندا
علی عیالی گلون ناگراندولار بیزدن
کشیک چکاق بولارا ایتمسونله چوخ شیون
توکولدولر ایشیگه خیمدن او نچه دلیر
که گوئیا ایدوری حمله دشمن استینه شیر
چکوب تمامیسی شمشیرین ایلدی عریان
خطاب ایتدیله ای اهلبیت شاه جهان
بلون بونی نقدر واردی بو قلج الده
بیزوق بلانی ایدن دفع سیزدن ازلده
قسم خدایه داخی جانه بیز دویان دگولوق
سیزی بو دشتیده یالقوز قویوب گیدن دگولوق
الهی بس گوره سن نولدی حالت زینب
عیان اولنادا او چولده قیامت زینب
بیان ایتماقا معذورم ای امام زمان
دولاندی رشته غم گلدی گور هارا هاردان
او وقته بس گوره سن نولدی زینبین حالی
گیدنده غارته جدّون حسینین اجلالی
توکولدی خیمیه هشتاد مین قشون بیردن
ادامه ویرمه سوزون قیل تمام حامدی سن
- یکشنبه
- 17
- شهریور
- 1398
- ساعت
- 10:33
- نوشته شده توسط
- علیرضا گودرزی
ارسال دیدگاه