شهید اولوب هامی انصاری یوخدی دای قالانی
گتوردی عرصه گهه خیمه دن سوسوز بالانی
سولان یوزونن اوطفلین کناره چکدی عبا
دیدی جفانی بیلورسوز نجه بو طفله روا
منیله واردی عنادوز بو ایشده یوخدی سوزوم
ورین سو سودامره سودامرده یوخدی دوزوم
نه قوه واردی تحمل ایده نه دیل دیه سو
ایچور چولون وحوشی سودان ایچمیوب هله بو
نه نیزه سی نه ده خنجر نه تیری وار نه کمان
دیون بالام بیروزیلن ایدیب جدل نه زمان
رضای حقه گوره سو ویرون کی یاندی بالام
سو ویرمه سوزده بیلون سیز کی نیمه جاندی بالام
اگر واروزدی سیزون دین باخون بو سودامره
اوهانسی دین دی کی رحم ایله مز بو خون جگره
او هانسی دین دی کی ایستر گوجیله بیعت آلا
بیر عده بی گنه انسانی بو بلایه سالا
دگوب زمانه گوزی اوندا بیردن عاطفیه
یتیشدی بیر غم عظما آناسی فاطمیه
سالوبدی حرمله ظلمی او عرصه گه ده فغان
اولوبدی اوچ پر اوخا اصغرون بوغازی نشان
او گوندن اوخشادی بو لحنیلن همیشه رباب
سو ایسته دیم بالاما وردیلر اوخیلا جواب
باخوبدی گل کیمی خندانینه کسوب سوزونی
گوربدی گیزلدیب اوخ قان ایچینده یوز گوزونی
قانین سپیبدی گویه عرض قیلدی سبط رسول
بو خیردا قربانی مندن الهی ایله قبول
گلوبدی محضرووه اوچ پریله قانه باتان
آنانی هم آتانی آلتی آیدا گوزدن آتان
دیدی خیامه نجه ایندی من گیدیم بوسیاق
کی چالدی الریم اوسته سوسوز بالام ال ایاق
گوزتلیور یولونی ایندی ناگران آناسی
بوحالی گورسه خدایا ایدر فغان آناسی
قازیبدی نیزه اوجیلان اوطفله خیردا مزار
تاپوبدی تپراقین آلتدا اوشاه زاده قرار
اولوبدی کعبه مقصود مزاری قلبلره
دوشوبدی عشقی او طفلین شراری قلبیلره
خلوص نیتیلن کیم طواف ایدیب حرمین
آلوبدی رحمت و فضل خدای ذوالکرمین
اولونسا قسمت او قبرین زیارتی حسنه
ویرر بیر آیری صفا اول حرمده جان وتنه
گجه گوندوز آغلارام
اورکلری داغلارام
اصغریمین یاسیندا
باشا قرا باغلارام
آغلاماقدان دویمارام
عزا رختین سویمارام
اورکده من ائولونجه
یرووی بوش قویمارام
علی بالام گل بالام
آنوا بیر گل بالام
سوسوز قالوبسان اما
ایچور سو بلبل بالام
سنه سولان گل آغلار
سو اوسته بلبل آغلار
چالیخلاسون سوسوزدان
آنون الووی باغلار
سو غمین چکن بالام لای لای
بلیمی بوکن بالام لای لای
آتاسینین قوجاقیندا اخ
بوغازین سکن بالام لایلای
آناسین گزدن آتان لای لای
قبریده سوسوز یاتان لایلای
بوغازیندان دیَن اوچ پر اخ
قانا ال اوسته باتان لای لای
آرام شدی زیر لحد خفتهُ بابا
لبیک به حی ازلی گفتهُ بابا
افسوس کمی آب ندادند بنوشی
پر پر شده ای غنچهُ نشکفتهُ بابا
"
- چهارشنبه
- 20
- شهریور
- 1398
- ساعت
- 11:47
- نوشته شده توسط
- ابوالفضل عابدی پور
- شاعر:
-
حسنعلی بالایی
ارسال دیدگاه