من ا م بنینم کی ولایت دنیزینده
عباس کیمین بیر باهالی گوهریم اوُلدی
روحیم قوشی ایستور اوچا دنیا قفسیندن
عباسین اوزون قولاری بال و پریم اُولدی
فخر ایلر آنالار اغول آدین گتورنده
عباسیمین ایمانی فقط مفخریم اولدی
روبه صفت اشراری قوان کرب وبلاده
میدان جهادینده او شیر نریم اولدی
تعریفینی مولاسی حسین اتدی بویوردی
تک ام بنین اوغلی منیم لشگریم اولدی
قربان سسینه وار یری سسلنسین او سردار
دنیاده حسین ابن علی سروریم اولدی
واردور خبریم القمی فتح ایلدی اما
سو ایچمدی جان وردی گل پرپریم اولدی
جان وردی دیدی ایچمرم ای سو سنی چون کی
اطفالی قالان تشنه حسین رهبریم اولدی
شکر الاها اُلسون کی هامی اِللَر ایچینده
هم اُلدی امامیم علی هم همسریم اُولدی
غم تیرینه توش اُلدی ابوالفظلیمون اوغلی
چکدی آتاسیزلیق غمی هم سنگریم اولدی
باشدان یازیلوب غملی سوزوم کرب و بلاده
پایانه چاتان ایندی بو جان دفتریم اولدی
بو دار فنادن اوزولور اللریم اما
برج ابُدیتده نچه اختریم اُولدی
دین مزرعینه دورد اغولون قانی سو وردی
عقباده خوشام بزر شهادت بریم اولدی
داغ چکدی اغول دردی سینیق قلبیمه دائم
غمنن قوجالیب باشدا قرا معجریم اُولدی
قالدیم ائو اوجا بویلارینا باخماقا حسرت
عمروم بویی همدم منه اشک تریم اولدی
- چهارشنبه
- 20
- شهریور
- 1398
- ساعت
- 12:33
- نوشته شده توسط
- ابوالفضل عابدی پور
- شاعر:
-
حسنعلی بالایی
ارسال دیدگاه