ای کوفه لیلر ائدون مروت
داش آتمیون اول یارالی باشه
بسدور اون ایکی دگن جراحت
بیر یاره لی ابتلالی باشه
طغیان ندن ایلیسوز جفاده
آیات اوخوری سر جداده
چوخ یاره دگوبدی کربلاده
بو نیزه ده کی بلالی باشه
بسدور کسیلوب سوسوز قفادن
صبر دل آلوبدی مصطفادن
ظلم ایلمیون دویون جفادن
جسمیله دوشن آرالی باشه
بوباش گتوروب جهانی درده
وار منخسف حالتی قمرده
قان کول گوروسوز چکوبدی پرده
افلاک وفا هلالی باشه
دعوت ایلدوز بونی عراقه
حرمت عجب ایلدوز قوناقه
ظلوموز دایانوبدی نه رواقه
آز ظلم ائدون اول بلالی باشه
زینب نجه گلمز آه و زاره
تؤکمز نئجه خون دل عذاره
وار سجده گهینده تازه یاره
بسدور بو ستم وفالی باشه
بسدور الی جسمدن اوزولدی
داش آلنینا دگدی قان سوزولدی
رخسارینه نجم سا دوزولدی
رحم ایلیون اول یارالی باشه
- پنج شنبه
- 21
- شهریور
- 1398
- ساعت
- 10:34
- نوشته شده توسط
- علیرضا گودرزی
- شاعر:
-
مرحوم نجمی تبریزی
ارسال دیدگاه