گئنه ارباب کرم ایلدی نوکرلرینه
ایستدی خونجگر عاشقلرینی محضرینه
ئولمدوق بیرده بیزی قوشدی مسافرلرینه
قسمت اولدی گئنه عاشقلره جانان سفری
کربلا حیطه سی یوخ جنت و رضوان سفری
.
.
قبر شش گوشه نی بیر دفعه ئپه عاشق صاف
ائله بیل مین یول ائدوب بیت خداوندی طواف
چون که الله ئوزی بو قبری بیلور عمده مطاف
ختم مرسل سوزیدی جدّ ابی عبد الله
قالَ مَن زارَ حسینی و َ کَمَن زارَ الله
.
.
شرطی وار صدقیله عشاق اگر زائر اولا
جلوۀ یار اونا ممکنی وار ظاهر اولا
ای خوشا یاریمیز اعمالیمیزه ناظر اولا
حرم یارده کیم جرگۀ الفت قوراجاق
یار پرونده سینه مهر قبولی ویراجاق
.
.
فعلی حالدا اوی بیزی دعوت ائدوب مهمانوک
هله قانلی اتگیندن هامی آویزانوک
قبر شش گوشه سینی گورماقچون نالانوک
من ئوزوم فکر ائدورم که هله ده خوابیدییم
عالم شعرده گو اینکه تب و تابیدییم
.
.
اوندا باور ائدرم بیردن آچام بو گوزومی
بیر قویام توپراقا بین الحرمینده یوزومی
دولدورام اشک فراقیله بو آغلار گوزومی
دییَم آقا او قدر من کیمی بیمارون وار
ایسته هاّی گله چوخ غملی عزادارون وار
.
.
آند وئرّوک سنی قارداشون ابوالفضله آقا
ایسته هامّی گله یوخ عمرلره چوخلی وفا
چوخلاری ئولدی ، ئولونجه دئدی جان کرب و بلا
آند وئزّوک او باجون زینبه هم اکبریوه
هامی عاشقلریوی ایسته گله محضریوه
.
.
آقا جان وار بئله عشّاق هلاکوندی ولی
سندن ئوتری آخوری گوز یاشی دریا مَثَلی
یا گرفتاردی ، یا زندگیده بوشدی الی
سنه قربان هامی ایستور گله دیداره نولی
هامی عاشقلره هموار ایله بو عشق یولی
.
.
کرم ایله هامیا سن بیل ابوالفضلون آقا
گوگلی ایستور هامینون قبریوی شوط ایلماقا
بیلوسن بعضیلرین دردینی گلمز دئماقا
آند وئرّوک ایاقون آلتدا یاتان اکبریوه
ئولمه میش ایسته آقا هامّی گله محضریوه
.
.
کربلاده ای اولان اوچ گونون عطشان قوناقی
ای او چولده داغیدان سینه سین آتلار ایاقی
ای دوشن ظلمیله چولدن چوله عورت اوشاقی
سن شیرین دیل لی رقیّون که قالوب چوللرده
او قدر ووردیلار آخرده ئولوب اللرده
.
.
اولمادی اوندا بو عشّاق آلا دور و بریوی
سنه قربان ائلیوب جان ، ئوپه لر اللریوی
اَلون اوستن آلالار قانه باتان اصغریوی
یا جوان اوغلون ئولنده قورالار بزم عزا
یا ابوالفضلون ئولنده گیرَلَر قولتوقیوا
.
.
.
- یکشنبه
- 24
- شهریور
- 1398
- ساعت
- 10:17
- نوشته شده توسط
- ابوالفضل عابدی پور
- شاعر:
-
قدرت چوپانی
ارسال دیدگاه