منم کعبه مقرّب قرابت منه گلدی
الهی طرفیندن عنایت منه گلدی
.
حسین مفخر آل رسالت منه گلدی
مبارک قدمیندن متانت منه گلدی
.
تَلَؤلُؤ ایده نور هدایت منه گلدی
جگر گوشۀ شاه ولایت منه گلدی
.
چخوب سندن امین عدالت منه گلدی
سالار نورینی شمس امامت منه گلدی
.
حسین اِئتمگه دائم اقامت منه گلدی
اَلین ایتمگه حورا زیارت منه گلدی
.
بهشتدن منم افضل لیاقت منه گلدی
خداوند کریمدن کرامت منه گلدی
.
مقدّس متدیّن جماعت منه گلدی
جلالیله ستونِ عبادت منه گلدی
.
گوی اِیلر منه غبطه جلالت منه گلدی
منم کعبۀ آمال، شرافت منه گلدی
.
عزاداره شفیعِ قیامت منه گلدی
تاپا یوم بلاده شهادت منه گلدی
.
خودِ روح الامیندن بشارت منه گلدی
خوشام مشعل و شمع سعادت منه گلدی
.
قویوب حجّینی ناقص سلامت منه گلدی
گوزل یِرلرین ایچره ملاحت منه گلدی
.
.
.
گلوب منده وجوده گوزل منظره کعبه
مباهات ایدورم چوخ مَلک منظره کعبه
.
.
.
حسین مفخر خیرالوراء سنده دی منده؟
گُل سینه خیرالِنّسا سنده دی منده؟
.
قمر طلعت و شمس الضُّحی سنده دی منده؟
الهی نظرینده جلا سنده دی منده؟
.
ویرن جنّته زینت لِقاء سنده دی منده؟
یِخان کفری مجهّز قوا سنده دی منده؟
.
او یتمیش ایکی اعظم فَدا سنده دی منده؟
خلیل اللهه قانلی منا سنده دی منده؟
.
حرم خانۀ آلعبا سنده دی منده؟
ئوزون ایله قضاوت صفا سنده دی منده؟
.
کرَم معدنی مشگل گشا سنده دی منده؟
صفوف ضعفایه عطاء سنده دی منده؟
.
اولان زینت عرش خدا سنده دی منده؟
دِیَن جمع بلایه بَلی سنده دی منده؟
.
ایدن دینینه،دِینین اَدا سنده دی منده؟
اولان مونسی حمد و ثنا سنده دی منده؟
.
مسلمانلارا دارُالشّفا سنده دی منده؟
دینن اصل طبیب و دوا سنده دی منده؟
.
علی اکبر گلگون قبا سنده دی منده؟
علی اصغر مظلوم بالا سنده دی منده؟
.
علی مظهری صاحب وفا سنده دی منده؟
اباالفضل امین لوا سنده دی منده؟
.
.
.
غرض کرب و بلانین مرامی اَله گلدی
یرینده بیله گویا مَلکلر دیله گلدی
.
.
.
سن ای کرب و معلاّ قزل گُللری ساخلا
یاناق حسرت اوتوندا شه محشری ساخلا
.
جهان بشریّت سووَن رهبری ساخلا
یوزی مثل پیمبر گُونه بنذری ساخلا
.
خزانه کیمی دائم سنان گوهری ساخلا
سپهر نجباده مه و اختری ساخلا
.
حبیب ابن مظاهر وفا پروری ساخلا
چکوب سینیه حرّی او نام آوری ساخلا
.
خدا امرینی اجرا ایدن لشکری ساخلا
سن ای تربت اقدس نچه دلبری ساخلا
.
جفائیله کسیلمیش سوسوز حنجری ساخلا
باشین یولاّ دمشقه ئوزون پیکری ساخلا
.
گیدر بلبلی شامه گُل پَرپَری ساخلا
گلین یثربه گِتسون یانان معجری ساخلا
.
خوشا حالووَه نور حق داوری ساخلا
حسینون سینه سینده علی اصغری ساخلا
.
ایاق سمتیده نعش علی اکبری ساخلا
کنارینده فراتین مه اَنوری ساخلا
.
گل احمری ساخلا ملک منظری ساخلا
اوجا پیکری ساخلا اوجا اَللری ساخلا
.
«مُعزّی» یوزه دائم سرشگ تری باغلا
آماندور گیچور عمرون یازوب دفتری باغلا
.
- یکشنبه
- 24
- شهریور
- 1398
- ساعت
- 10:19
- نوشته شده توسط
- ابوالفضل عابدی پور
- شاعر:
-
استاد یوسف معزی اردبیلی
ارسال دیدگاه