یدی گوندور ،گیجه نی صبحه کیمی آغلامیشام
آه جانسوزیله دنیا اورگین داغلامیشام
سارالان صورته اشک تریمی باغلامشام
گزمیشم کوچه و بازاریده آواره حسین
قزلارین دردینه تک ایلمیشم چاره حسین
یدی گوندور ،باخورام نیزده قانلی باشووا
باجی قربان اولا او گوزدن آخان گوز یاشووا
بویور ای شاه دو عالم اوجا بوی قارداشووا
تازیانه ویروری قوم دنی قزلارووا
یانورام هی نظر ایتدوکجه اوغولسوزلاروا
یدی گوندور یارالی ،بوپوزولان دل آلیشار
گوزومون یاشی اورک قانینه هر دم قاریشار
دیسکینوب نازلی رقیه یوخودا هی دانیشار
بابا وای ناله سی ایلیر دل دنیانی کباب
آلوب آغوشه یوزوندن اوپر هر لحظه رباب
یدی گوندور پوزولان قلبیده احساسیم ئولوب
بویانوب قانه علی اکبریلن قاسیم ئولوب
اوجا بوی ،انّی کورک ،شیر دل عباسیم ئولوب
گیجه لر صبحه قَدَر ناله ایدوب وای دیرم
توکرم گوز یاشیمی اصغره لایلای دیرم
- دوشنبه
- 25
- شهریور
- 1398
- ساعت
- 9:35
- نوشته شده توسط
- علیرضا گودرزی
- شاعر:
-
جعفر فتح اللهی
ارسال دیدگاه