حجاز قافله سی صبح وقتی شامه یتیشدی
خرابیه یتیشینجه چوخ دولاندی شامه یتیشدی
.
پیمبر عترتی دلخسته گزدی شام خرابی
یزید عیالی سالوب پرده احترامه یتیشدی
.
گرکدی شیعه اولان تلخکام اولا هر دم
حسین ئولوبدی ولاکن یزید کامه یتیشدی
.
حسین عیالی هامی دست بسته شامه گلنده
غم و فرح اثری جمله خاص و عامه یتیشدی
.
یزید مجلسینه ایلدی نظر دیدی زینب
حسین دولاندی باشین تا صف سلامه یتیشدی
.
او مجلسه شهدا باشلارین گتوردوله یکسر
امان او وقتیده نوبت اسیر امامه یتیشدی
.
مقام ایدوبدی حسین باشی بزم یزیدی
گوگلره زینت اولان باش ایله مقامه یتیشدی
.
یزید الینده آقاج لبلره ایدنده اشاره
سکینه ناله سی افلاک نیل فامه یتیشدی
.
باخاردی زینب کبری او بزمه حسرتیله
دیدی حسین گوره سن محنتین تمامه یتیشدی؟
.
ترحم ایلمیوبلر ایدنده آیه تلاوت
جفا و ظلم اودم رأس ذوالکرامه یتیشدی
.
باجین او حالی گوروب دلدن اودلانوبدی یانوبدی
اوجالدی آه دلی چرخ نیلفامه یتیشدی
.
آلوبدی طاقت و صبرین اونون او تازه مصیبت
اوجلدی ناله سی افلاکیده غمامه یتیشدی
.
داخی بس ایله «ثریا» مصیبت شامی
او شهرین اهلی اولان دلده کی مرامه یتیشدی
- چهارشنبه
- 27
- شهریور
- 1398
- ساعت
- 10:25
- نوشته شده توسط
- علیرضا گودرزی
- شاعر:
-
مرحوم سید احمد یاسر نجفی
ارسال دیدگاه