لطف ایله خدایا کاروان دایانسون
قویما بو رقیّه چوللّری دولانسون
نصف شب بو صحراده
کیم یتیشسین امداده
رحم ایله الهی ( 2 )
.
.
.
سَسلَرم اماندور ای ایشیق ستاره
دوشموشم اِئلیمدن ایندی من کناره
قورخورام بو چولده ایله بیر نظاره
یل اَسنده صحراده
قورخوری بو شهزاده
رحم ایله الهی ( 2 )
.
.
.
قاره تپراق الله بستریم اولوبدی
یوخ یانیمدا عمّم گُل یوزوم سولوبدی
قیز اوشاقیام تک هم اورک دولوبدی
یوز ویرور بو ناشاده
غم بو غملی مأواده
رحم ایله الهی ( 2 )
.
.
.
نیزه‌لر باشیندا رأسلر دایاندی
دورِ کاروانی عمّه‌سی دولاندی
گوردی یوخ رقیّه اوندا قلبی یاندی
وای دیوب گلوب داده
خجلتم بو سوداده
رحم ایله الهی ( 2 )
.
.
.
گوردی بیر خانمدی غصّه‌لی زمانی
ساخیلوب قوجاقدا اول شیرین زبانی
بو دیلیلن اُوخشور ای بتول ثانی
تا گلونجه فریاده
من وارام بو صحراده
رحم ایله الهی ( 2 )
- پنج شنبه
- 28
- شهریور
- 1398
- ساعت
- 13:24
- نوشته شده توسط
- ابوالفضل عابدی پور
- شاعر:
-
حاج رحمان شاجری زنجانی
ارسال دیدگاه