ماجرای شام ائدوب از بس بو زاری تلخکام
ایلیوبدور گوندوزی زینب غمی بو گوزده شام
.
گر یولون دوشسه بقیعه ای نسیم صبحدم
محضر زهرایه مندن عرض ایله اول سلام
.
بیرده دی قبرونده راحت یاتموسان آیا نئجه
باش گوتور توپراقیدن ای دختر خیرالانام
.
باش آچوقدور قیزلارون شام خراب ایچره خانیم
معجره حسرت چکور اول زینب والا مقام
.
بس که نا محرم آلوبدور دوره سین شاماتیده
گوندرور بو طرزیله گوزیاشلی یا زهرا پیام
.
لطف ایله معجر گتور قیزلار خجالتدن ئولور
آز قالور غمدن اولا بو زیبنبون عمری تمام
.
آل طاهانی اسیر ایلوبدی دژخیمان شام
نه حلالی درک ائدور بولمور ندور آیا حرام
.
ساز و نی الده چالور کف شام و کوفه لشکری
هرگز اولماز بو جماعت حشره تک اول یرده رام
.
کربلاده ایله بیر ظلم ایلیوب اهل عراق
اولماسا محشر ادا اولماز مگر حق کلام
.
نیزه باشینده حسینون باشی گون تک سیر ایلور
آی خسوف ایلوبدی اولدوزلاردا یوخدی تاب گام
.
مظهر ذات خدا حق آیه سین ایلور بیان
گرچه « هم لایبصروا لا یعقلوا » قوم لئام
.
ناطق قران تلاوت ایلوری کهف آیه سین
گوئیا اعجاز ائدورسیناده حی لاینام
.
دولدوروب شامون دیارین نوریله اول شمس دین
گوسترور مرات حقی نیزه باشوندا امام
.
چون یزید امر ایلیوبدور گلدیلر پیشوازینه
میزبانی الده داش ایلور قوناقه احترام
.
اول یزید بیحیا آماده ایلوب بزم شرب
تا آلا بیر الده چوب خیزران بیر الده جام
.
خارجی آد قویماقا آل اللهه اول پست و دون
مجلس خماریده جمع ایلیوبدور خاص وعام
.
گل اوزون قورتار بو غمدن زینبی یا فاطمه
بیرده ایسته قائم اوغلون ایلسون لطفا قیام
.
انتقام زینبی آلسون بالان کفاریدن
آلمینجه انتقامین دوتماسین الده نیام
.
بیرده گر امکانی وار « شیدا » ده وار بو آرزو
سن سفارش ایله زینب آدینی یازسون غلام
.
۴ بیت اول این اشعار ترجمه اشعار مرحوم حسینی #سعدی_زمان و وام گرفته از آن استاد میباشد.
- یکشنبه
- ۳۱
- شهریور
- ۱۳۹۸
- ساعت
- ۱۴:۵
- نوشته شده توسط
- ابوالفضل عابدی پور
- شاعر:
-
محمدرضا صادقی
ارسال دیدگاه