دور یارالی قارداشیم
قبریووه مهمان گلوب
شامیدن آزاد اولوب
زینب نالان گلوب
.
.
سئللری یاده سالوب گوز یاشیمون شدّتی
داغلاری حیران قویوب زینبیوین طاقتی
ایله میشم جان سپر ساخلامیشام عترتی
سیّد سجّاد ئوزی عرضیمه برهان گلوب
.
.
دشمن ایوینده حسین شال عزا سالمیشام
قمچی لره تاب ائدیب کوینگووی آلمیشام
چوخ سوزه گلمور دیلیم گور نه گونه قالمیشام
دوؤزدؤم او قدری غمه تا دوداقا جان گلوب
.
.
یولدا نلر چکمیشم قوی دئیوم ای جان جان
اولدی نگهبان منه جبریله شمر و سنان
دوشدوم او گوندن حسین چوللره بی آشیان
لانه سی یانمیش قوشا اوخشیان الان گلوب
.
.
نازلی رقیّه م سنی گوزلَه دی ویرانه ده
یاندی اونون حالینه شمعیده پروانه ده
تک نه تانیشلار اونا آغلادی بیگانه ده
گوردی باشون سسلدی دیدیمه جانان گلوب
.
.
اوندا کی سولموش یوزون قویدی سارالمیش یوزه
ئوپدی دوداقون حسین گلدی او دمده سوزه
باخ دئدی ای یاره لی قانیله دولموش گوزه
سیلی ووروبلار بابا گوزلریمه قان گلوب
.
.
راز قبول بلا، رمز بقا سنده دی
تا که جهان وار آدون زنده دی پاینده دی
نازلی قیزون شامیده خیردا نماینده دی
شامی آلوب زینبون گرچه نواخوان گلوب
- یکشنبه
- 31
- شهریور
- 1398
- ساعت
- 14:11
- نوشته شده توسط
- ابوالفضل عابدی پور
- شاعر:
-
حاج داود بیدق داری
ارسال دیدگاه