یارالار یورقونی نهضتی ای روح قرآن
قبر ششگوشه سی جلوه گاه نور جانان
.
ای قبری زینت عرش برینه
گلدیم یارالی دوراربعینه
.
.
تربتی توتیادی بو قبرین چشم حوره
مَحوایدر بوردا موسی اوزون شعاع نوره
زینبون باش آچوب قیزلارون گلوبدی شوره
ای قبری زینت ...
.
.
باش گوتور قبریدن خالق یکتایه خاطر
ایاقین اتدا خندان گل طاهایه خاطر
سسیمه ویرمنیم سس آنام زهرایه خاطر
ای قبری زینت ...
.
.
حق عذابی گوروم تز یته قوم یزیده
شیرزن زینبون ایتدیله قدی خمیده
آپارار داغ دللر باجون قبره شهیده
ای قبری زینت ...
.
.
یورقونام یاره لی اینجیدوب قید اسارت
بیر اسارت که توش ایتدیروب مین جام مِحنت
آغاروب موی سر دلده وار غمدن جراحت
ای قبری زینت ...
.
.
غملی طوماریدی باشیمون هر بیر بلاسی
قولاریمی ایدوب نیلگون قمچی یاراسی
دی گوروم نجه دی سینوین اول اوخ یاراسی
ای قبری زینت ...
.
.
تیتردوب شمر دون بارگاه کبریانی
سعی ایدوب تند و تیز یول گیده غم کاروانی
رَم ییوب ناقه لر اولدوروب نچّه بالانی
ای قبری زینت ...
.
.
اُف اولا خصم قرآن اولان اهل عذابه
قدسیان اغلادی عترت ختمی مآبه
قولی باغلی بیزی چکدیلر بزم شرابه
ای قبری زینت ...
.
.
روح وایمانیله زینبین عزّو وقاری
پوزدی مرجانه اوغلون گیدوب صبروقراری
باشووا ایتدی توهین گوروب یوخ غمگساری
ای قبری زینت ...
.
.
مجلس اهلین پوزوب حالیمیز ای روح ایمان
بولدوله بیزلروخ خاندان وحی و قرآن
خارجی آدقویوب بیزلره اول قوم عدوان
ای قبری زینت ...
.
.
اَل اَمان شامیدن گوندوز اولدی لیل ظلمت
صبحودن شامه تک شامون اهلی ایتدی عشرت
هارا گیتدوخ بیزه ایتدیله طعن و شماتت
ای قبری زینت ...
.
.
یانارام ایمدیده خون دل توکدی گوزوندن
دیمه دی دردینی ایلدی مأیوس اوزوندن
نعشینی باسدیم آغوشیمه اُپدوم یوزوندن
ای قبری زینت ...
.
.
اریموش جسمینی گور جاق اول غسّاله یاندی
ویرمدی غسلنی گوزیاشین توکدی دایاندی
دئدی بو گول دوشوب اللره بیله خزاندی
ای قبری زینت ...
.
.
روحومی گنج تک ایلدیم توپراقدا پنهان
حسرتین چکدی ویرانه نین فردوس رضوان
بالاوی قبره قویدوم حسین دویدوم بو جاندان
ای قبری زینت ...
.
.
- یکشنبه
- 31
- شهریور
- 1398
- ساعت
- 14:12
- نوشته شده توسط
- ابوالفضل عابدی پور
- شاعر:
-
مرحوم محمد شیخ زادگان
ارسال دیدگاه