ای گئدن دیر و کلیسایه حسین
لطف ائدن خادم عیسایه حسین
.
روحِ خاتَم سن آقا
شاه عالَم سن آقا
.
.
.
.
.
دوردی راهب یوخودان نیمهٔ شب
اولدی مشغول ثناخوانیِ رب
ولی بیر منظره نی گوردی گوزی
فکر ائدوب محشر اولوب یالَلعجب
آز قالوب روحی اوچا، جانی چیخا
گرم ائدوبدور بدنین آتشِ تب
.
قالدی حیران او معمّایه حسین
سن نظر قیلدون او تَرسایه حسین
.
روحِ خاتَم سن آقا
شاه عالَم سن آقا
.
.
.
.
.
منبع نوره طرف قویدی قَدَم
بیرکسیلمیش باشا توش اولدی اودَم
باخدی گوردی اَلنوب اوستونه کول
اسیلوب تللرینه باد سِتم
ای دیلیم لال اولاسان ائتمه بیان
رحم ائله فاطمیه، یازما قلم
.
ساخلادی حرمت همسایه حسین
سالدی راهب باشینا سایه حسین
.
روحِ خاتَم سن آقا
شاه عالَم سن آقا
.
.
.
.
.
گوردی گویدن یره حورادی گَلَن
خضر و الیاسیله موسادی گلن
دئدی یارب بو ئولن کیمدی مگر
وصل دیدارینه عیسادی گلن
او خانیم کیمدی که پهلوده الی
بیلمدی حضرت زهرادی گلن
.
سسلنور عمریمه سرمایه حسین
رحم ائله غمزه ده زهرایه حسین
.
روحِ خاتَم سن آقا
شاه عالَم سن آقا
.
.
.
.
.
گوردی در اوج جلالت او باشی
گرم تسبیح و عبادت او باشی
نچه مین سکهٔ زر وئردی ولی
خولیدن آلدی امانت او باشی
شستشو ائتدی گلابیله صورا
عشقیلن قیلدی زیارت او باشی
.
سسلدی اوخشیوسان آیه حسین
جان فدا سن کیمی مولایه حسین
.
روحِ خاتَم سن آقا
شاه عالَم سن آقا
.
.
.
.
.
اوخی قرآن منی مدهوش ائله گئت
معرفت جامینه مِی نوش ائله گئت
رشتهٔ عشق سعادتگرووی
قلبیمون باشینه گَل جوش ائله گئت
اذن وئر تا که سنه نوکر اولوم
بو مدالی منه سَردوش ائله گئت
.
ای وئرن جنّته پیرایه حسین
عشقی محشر گونی سرمایه حسین
.
روحِ خاتَم سن آقا
شاه عالَم سن آقا
.
.
.
.
.
ای هدایتگر و کشتیِّ نجات
مُرده روحه دَمِ جانبخشی حیات
(فیضیَم)شاعر دربارون آقا
آنامین روحینه گوندر حَسنات
اوره گیم خامه دی، کیپریک قلمیم
گوزلریمدن آخان اشکیمدی دَوات
.
وئرمرم عشقووی دنیایه حسین
دعوت ائت کربِ معلّایه حسین
.
روحِ خاتَم سن آقا
شاه عالَم سن آقا
.
.
- یکشنبه
- 31
- شهریور
- 1398
- ساعت
- 14:15
- نوشته شده توسط
- ابوالفضل عابدی پور
ارسال دیدگاه