ای بلا چکن راه عشقیده
جور طعن اغیاردن دانش
خوشگلوبسن ای بنت فاطمه
قبریم اوسته زوّاردن دانش
.
.
چوخ سسون منه خوشگلور باجی
صحبت ایتگلن خسته‌سن اگر
سن دئ خولیدن من تنوردن
ای گزن بیابانی دربدر
سن دئ ناقه‌دن منده نیزه‌دن
ای اولان من زاره هم‌سفر
من دینمرم خولی مطبخین
سن منه اوبد کاردن دانش
.
.
من بلاچولون ایلدوم وطن
چکمشم جفا اهل کینه‌دن
حال اصغری ایسته‌سون اگر
آل خبر باجی اوخلی سینه‌دن
سنده ویر خبر اهل بیتدن
هم رقیه‌دن هم سکینه‌دن
راه شامده چوخ چکن ستم
ناقه اوسته بیماردن دانش
.
.
دیر راهبی گورموشم باجی
ویر منه مغیلان‌دن خبر
سالدی ظلمت شب رقیه‌می
ساربان یره ایتدی خونجگر
بیرقولی سینان فاطمه آنام
بس نجه گلوب اولدی نوحه‌گر
آچمامیش سولان گل رقیه‌دن
گل یاننداکی خاریدن دانش
.
.
گورموسن نجه ای گل وفا
شامده او دروازه ساعتی؟
دسته دسته خندان سیزه اوگون
ایلین تماشا جماعتی
اللرینده دف اهل شامیان
ایتدیلر سنه چوخ شماتتی
دل یاراسنی شرح ویرگلن
طعنۀ دل آزاردن دانش
.
.
نوحه‌خوان سن اول منده مستمع
من یارالیام سن اسیر شام
نطقه گلگلن سینه داغلیون
منتظر قالوب صحبته امام
قوی جهانیان بیلسون ایلیوب
قوم کین بیزه ظلمنی تمام
شامده یزیدون او مجلسی
کوچه یا که بازاردن دانش
.
.
شمس دین کسوف ایتدی تار اولوب
گوگده ماهلن عزت اولدوزی
ویر خبر نجه باغریقان قالوب
بی‌پدر اولان مسلمون قزی
روزگار دون خوار ایدر یقین
گر اسیر اولا هر اوغولسزی
اصغرین آناسی ربابدن
بوش قالان او گهواردن دانش
.
.
حالوی خراب ایتسه شهر شام
گلشن ایچره ریحانه‌دن دانش
شامده یانان نار فرقته
شمع‌سیز او پروانه‌دن دانش
شاه سؤوگلی خواهر علی
عندلیب ویرانه‌دن دانش
اوچ گئجه گونوز آج قالان قیزیم
اول رقیه بی‌یاردن دانش
.
.
سن گیدن سورا اوچگون اوچ گئجه
چولده قالمشام یاره بی‌عدد
نه حنوط، نه غسل، نه مزار
اولمادی یتن داده بیر احد
کهنه بیر حصیر ائتدیلر کفن
دفن ایدوب منی بو بنی‌اسد
من بو ایستی قوم یاره‌لی بدن
سنده قوم کفاردن دانش
.
.
«نادری» قلم نوکی غم یازار
هر گئجه گونوز صبح شامده
بیر یتیمه قیز چوخ ستم چکوب
قالدی آخری شهر شامده
بیر زمان دیوب(عمه من آجام)
وار اثر همان بیر کلامده
یاندیروب او سوز شیعه قلبنی
شامده او گفتاردن دانش
. زبانحال حضرت زینب سلام الله علیها
.
.
شامدن فقط گلمیشم حسین
قبریوون نماسین گورم گیدم
ناقص اولمیا حجی زینبون
بیرده حق مناسین گورم گیدم
.
.
ممکن اولمادی من گیدن زمان
یاره‌وی گلوب بوردا باغلیام
یا که اولمادی باشدا معجریم
اوستوه چکوب سینه داغلیام
شمر قویمادی قتلگهده من
سس چکوب سنه قارداش آغلیام
فرصت ایلیوب ایندی گلمشم
فاطمه بالاسین گورم گیدم
.
.
بیلمرم بونون علتی ندور
قبریوی سنون آلتی گوشه‌دور
خرمن گلون اوسته غنچه‌تک
آچمیوب یقین تازه خوشه‌دور
خوشه‌چین گلوب خوشه آختارور
بو رباب اوچون یاخش توشه‌دور
گلمشم قوجاقونده اصغرین
حلقنین یاره‌سین گورم گیدم
.
.
کربلا آدی دوشدی دللره
تپراقندا چون حق فداسی وار
دلربا اولوب کربلا آدی
چون سنون کیمی دلرباسی وار
هر ایکی بو آددان گوزل اولان
اکبر آدلی بیرمه لقاسی‌وار
لیلی عرض ایدور گلمشم اونون
شبه مصطفاسین گورم گیدم
.
.
من ایشتمیشم نهر علقمی
ایلسون زیارت چوخ اجری وار
واضحین منه سویله یا حسین
قورخما زینبون تاب صبری وار
سرو تک اوجا قد و قامتین
علتی ندور خیردا قبری وار
ایسترم ابالفضل آناسنین
صاحب لواسین گورم گیدم
.
.
بوش دگول الیم شامدن حسین
قرخادین سنه جان گتورمشم
یوخ طراوتی گللری سولان
دسته دسته ریحان گتورمشم
نوعروسدور باشدا قاره‌سی
دلده شور و افغان گتورمشم
گلمشم بلادشتینین اولان
تازه کدخداسین گورم گیدم
.
.
نیلیوم حسین عفو قیل منی
رشتۀ کلامی یتورمشم
واردی چوخ سوزوم هاردان عرض ایدوب
جانمی دوداقه ایتورمشم
اهلبیتوی شامدن بورا
گورنجه سلامت گتورمشم
عرض ایدم سنه تازه بیر خبر
قلبوون نواسین گورم گیدم
.
.
عشقوین فداسی اولوم حسین
چکمیشم یولوندا بلیه‌نی
سندن ایتدیلر چوخ خجل منی
کامه یتمسون هیچ امیه نی
قویمشام نماینده شامده
ئوز یریمده نالان رقیه‌نی
گلمشم اونون العطش سسین
ضبط ایدن فضاسین گورم گیدم
.
.
چکدیگوم مصیباتی شامده
عرض ایدوم نجه شاه بی‌وطن
دل یاراسی چوخ اینجیدور منی
قلبمی دوتوب محنت و محن
ئولدی شامده نازدانه قیز
تاپمادوم او بیچاریه کفن
زخم قلبمین سن طبیبی سن
دردیمین دواسین گورم گیدم
.
.
کربلایه من شامدن گلوب
قبریوه اخا خسته زایرم
چوخ قالانمارام عفو قیل منی
یثربه گیدن بیر مسافرم
هر سفارشون وار مدینیه
طاعت ایتمگه امره حاضرم
قووزا قبردن باش منه گوره
روحمین غذاسین گورم گیدم
.
.
وار مدینه‌ده بیر مریضه قیز
گوزلری قالوب یولدا انتظار
گورجگین منی ایستیر سنی
اکبرین اطاقین آچار باخار
گر سوروشسا طوی ایتدوز اکبره
یوخ جوابنه منده اختیار
گلمشم اونون کامه یتمین
نوجوان اخاسین گورم گیدم
.
.
زینب ستمدیده دور بوگون
دشت و کربلانین مسافری
السلام ایدن زین‌العابدین
ئوز باباسنین خسته زایری
چوخ زماندیکی باغلیدور یولی
حسرتین چگر گونده «نادری»
ایستیه گلوب توزلی قبرینین
جلوۀ جلاسین گورم گیدم
.
. سوال ( زبانحال حضرت اباعبدالله الحسین علیه السلام )
.
ای بلا چکن راه عشقیده
جور طعن اغیاردن دانش
خوشگلوبسن ای بنت فاطمه
قبریم اوسته زوّاردن دانش
.
.
چوخ سسون منه خوشگلور باجی
صحبت ایتگلن خسته‌سن اگر
سن دئ خولیدن من تنوردن
ای گزن بیابانی دربدر
سن دئ ناقه‌دن منده نیزه‌دن
ای اولان من زاره هم‌سفر
من دینمرم خولی مطبخین
سن منه اوبد کاردن دانش
.
.
من بلاچولون ایلدوم وطن
چکمشم جفا اهل کینه‌دن
حال اصغری ایسته‌سون اگر
آل خبر باجی اوخلی سینه‌دن
سنده ویر خبر اهل بیتدن
هم رقیه‌دن هم سکینه‌دن
راه شامده چوخ چکن ستم
ناقه اوسته بیماردن دانش
.
.
دیر راهبی گورموشم باجی
ویر منه مغیلان‌دن خبر
سالدی ظلمت شب رقیه‌می
ساربان یره ایتدی خونجگر
بیرقولی سینان فاطمه آنام
بس نجه گلوب اولدی نوحه‌گر
آچمامیش سولان گل رقیه‌دن
گل یاننداکی خاریدن دانش
.
.
گورموسن نجه ای گل وفا
شامده او دروازه ساعتی؟
دسته دسته خندان سیزه اوگون
ایلین تماشا جماعتی
اللرینده دف اهل شامیان
ایتدیلر سنه چوخ شماتتی
دل یاراسنی شرح ویرگلن
طعنۀ دل آزاردن دانش
.
.
نوحه‌خوان سن اول منده مستمع
من یارالیام سن اسیر شام
نطقه گلگلن سینه داغلیون
منتظر قالوب صحبته امام
قوی جهانیان بیلسون ایلیوب
قوم کین بیزه ظلمنی تمام
شامده یزیدون او مجلسی
کوچه یا که بازاردن دانش
.
.
شمس دین کسوف ایتدی تار اولوب
گوگده ماهلن عزت اولدوزی
ویر خبر نجه باغریقان قالوب
بی‌پدر اولان مسلمون قزی
روزگار دون خوار ایدر یقین
گر اسیر اولا هر اوغولسزی
اصغرین آناسی ربابدن
بوش قالان او گهواردن دانش
.
.
حالوی خراب ایتسه شهر شام
گلشن ایچره ریحانه‌دن دانش
شامده یانان نار فرقته
شمع‌سیز او پروانه‌دن دانش
شاه سؤوگلی خواهر علی
عندلیب ویرانه‌دن دانش
اوچ گئجه گونوز آج قالان قیزیم
اول رقیه بی‌یاردن دانش
.
.
سن گیدن سورا اوچگون اوچ گئجه
چولده قالمشام یاره بی‌عدد
نه حنوط، نه غسل، نه مزار
اولمادی یتن داده بیر احد
کهنه بیر حصیر ائتدیلر کفن
دفن ایدوب منی بو بنی‌اسد
من بو ایستی قوم یاره‌لی بدن
سنده قوم کفاردن دانش
.
.
«نادری» قلم نوکی غم یازار
هر گئجه گونوز صبح شامده
بیر یتیمه قیز چوخ ستم چکوب
قالدی آخری شهر شامده
بیر زمان دیوب(عمه من آجام)
وار اثر همان بیر کلامده
یاندیروب او سوز شیعه قلبنی
شامده او گفتاردن دانش
.
- سه شنبه
- 9
- مهر
- 1398
- ساعت
- 16:20
- نوشته شده توسط
- ابوالفضل عابدی پور
- شاعر:
-
مرحوم نادری میانجی
ارسال دیدگاه