سبک:ای ساقی ما سرمستان...
.
ای قارداشیمون ریحانی
شهلا گوزیوین قربانی
دور ایاقه یاتما زینبون خوردا علمداری
گوزون آیدین اولدون قانلی باشون خوردازواری
لایلای_لایلای
.
.
.
.
آچ گوزلریوی دور یاتما
تابنده ستارم باتما
چوخ آغلاموشام واللهی
بسدور منی سن اغلاتما
سنی تاپشوروبدور زینبه سلطان مظلومان
قولاقون یاراسیندان آخان قانه بیبون قربان
لایلای_لایلای
.
.
.
.
ای قارداشیما دردانه
گلمه بوقدر افغانه
بیر گون اولاجاقدور آباد
بو منظرۀ ویرانه
بو خرابه بیر گون جنت الاعلایه ناز ایلر
بومکاندا عاشقلر گلوب راز و نیاز ایلر
لایلای_لایلای
.
.
.
.
سن شاکله ٔ مطلب سن
نور قمر و کوکب سن
غم یورقونی غم یولداشی
آرام دل زینب سن
سنه زینبون جانی اولا قربان قیزیم یاتما
هله تیزدی قربانون اولوم ئولدوز کیمین باتما
لایلای_لایلای
.
.
- چهارشنبه
- 10
- مهر
- 1398
- ساعت
- 12:59
- نوشته شده توسط
- ابوالفضل عابدی پور
- شاعر:
-
مرتضی اسکندری
ارسال دیدگاه