عمه ای عمه ی غریبیم
ای شکسته پر عندلیبیم
جان چخور خسته تندن عمه
هاردا قالدی منیم طبیبیم
.
بولبولم-من باغ و چمنسیز اوءلورم
غربت اءیلده بی بی کفن سیز اءولورم
خانم عمه م خانم عمه م
.
.
.
قلبیده غم لریم چوخ اولدی
خوش گونوم آی بی بی یوخ اولدی
دشمنین دیل یاراسی عمه
هر بیری قلبیده اوخ اولدی
بیر کسه، دییه بولمدیم سوزلریمی
اوءلورم، باغلاسان اوءزون گوزلریمی
خانم عمه م خانم عمه م
.
.
.
سینه مین آرتیخ اولدی دردی
طره دن یوخ سیلن بو گردی
یادیمه دوشدی اول زامانلار
گوزلریمدن بابا م اوپردی
آغلاسان سینه مده کی نیسگیللریمه
دویمادون غصه لی شیرین دیللریمه
خانم عمه م خانم عمه م
.
.
.
مسکنیم اولدی بو خرابه
روزگاریم دوءنوب سرابه
زجر آدی ایندی ده گلنده
دوشوری جانیم اضطرابه
قمچی لر که ووروبدی اول پیکریمه
سیلی دن لکه قان دوشوب گوزلریمه
خانم عمه م خانم عمه م
.
.
.
عمه ای روحیم ای روانیم
چیخسا الان بو خسته جانیم
توکمه گوز یاشیوی عذاره
عمه من باشیوه دولانیم
باخیسان ، گوزلریمه دلدن یانیسان
آناوی یادیوه سالوب او دلانیسان
خانم عمه م خانم عمه م
.
.
- چهارشنبه
- 10
- مهر
- 1398
- ساعت
- 13:6
- نوشته شده توسط
- ابوالفضل عابدی پور
- شاعر:
-
کربلایی رحیم شایان
ارسال دیدگاه