ای خاکدن ائتمیش بشرین خلقتی احسن
ای نطفۀ کَمدن یارادان صورتی احسن
.
ای کارگه صنعته دورت عنصری قاتمیش
ایجاد ائلیین صورتی هم سیرتی احسن
.
ای ملک جفاده یارادان بذر عطوفت
ای حشمتی شاهانه اولان عزتی احسن
.
ای گویده کی طیران ائلیین قوشلارا رازق
ای باطن بحرینه وئرن صاحتی احسن
.
ای گون یارادان گویده چراغ ملکوتی
ای شمسه حرارت یارادان شدتی احسن
.
ای تپراقین آلتیندا وئرن روزی نملی
تدبیری سلیمانه وئرن صحبتی احسن
.
سن مالک بی مثل بلا شبه لی واحد
ای رأفتی انسانه وئرن فطرتی احسن
.
احسن دئدون اوّل ئوزوه خلق بشرده
احسن سنه لایقدی اولان هیبتی احسن
- چهارشنبه
- 10
- مهر
- 1398
- ساعت
- 13:42
- نوشته شده توسط
- ابوالفضل عابدی پور
- شاعر:
-
محمد وهابزاده (عیّار)
ارسال دیدگاه