آه یا صاحب زمان محشر بوگون برپا اولوب
طوسه گل باخ ازدحامه،یوم عاشورا اولوب
.
.
هارداسان ای لنگر کون و مکان امداده گل
غرق بحرِ غمده دور بو شیعیانین داده گل
اوچ عزا بیر یرده دور،صاحب عزا فریاده گل
شهر مشهد قتلگاه شاه بی پروا اولوب
.
.
دگدی هجران داشی سیندی،شیشۀ آمال عشق
قدسیان صف صف گلور طوسه،دونوب احوال عشق
تسلیت یابن الحسن مغموم اولوبدور حال عشق
جدّیوه ای یوسف زهرا ستم ایذا اولوب
.
.
غربته چکدی رضانی گردشِ چرخ فلک
یاری قویدی فرقۀ اغیار ایچنده بی کمک
یادینه دوشدی «فقیرین» قصۀ باغ فدک
غملی سوداده بوگون،خونین جگر زهرا اولوب
.
.
عاقبت ویردی فلک سیندیردی،حق آئینه سین
قویدی یالقیز شهریاری،توکدی آخر کینه سین
یاندیروب یاخدی شِرنگ بی مروت سینه سین
خونجگر هم مرتضی،هم سید بطحا اولوب
.
.
گوردی اول سمّ اوز ایشین،وئردی حیاته خاتمه
بیر سرین آهی چکوب،اوت ویردی عرش اعظمه
کاسۀ زهری یره قویدی دیدی یافاطمه
گل نه گور،هنگامۀ دیگر بوگون برپا اولوب
.
.
گوز دوشنده جدّیوین یابن الحسن ایوانینه
اوخشوری هر دورت طرفدن کربلا میدانینه
گوئیا باتدی دوباره،شاه عطشان قانینه
اول چوخور یر طوسیده،گویا گینه پیدا اولوب
.
.
وئردی قدرت خامه مه بیرده دیار قتلگاه
اولموشام باشدان ایاقه بیقرارِ قتلگاه
اوندا کی آتدان یخلدی شهریار قتلگاه
وای حسینیم لبلرینده،زینب کبریٰ اولوب
.
.
دورت طرفدن بیحیالر شهریاری ویردولار
کعب و نیزه ویردولار اوخ ویردولار تا یوردولار
قلبینی اکبر داغیندا اوت ویروب یاندوردولار
اول آدامسیز قیزلاری آوارۀ صحرا اولوب
.
.
ائتدولر ذبح القفا روح و روان حیدری
یاز «فقیرا» آغلویوردی شمر الینده خنجری
آل نه نوعی غارته گئتدی او گون انگشتری
حشره تک بو غمده مغموم،یوسف زهرا اولوب
.
.
- چهارشنبه
- 10
- مهر
- 1398
- ساعت
- 14:54
- نوشته شده توسط
- ابوالفضل عابدی پور
- شاعر:
-
مجید قلعه بیگی
ارسال دیدگاه