یتدوز ایلیکه مشهد اقدسه اربعین گونی
سالمیون اشگ دیدوزی محبسه اربعین گونی
.
.
بیر ایله موقعنده بیل درده دوادی گوزیاشی
آبدی آب سلسبیل درده دوادی گوزیاشی
یوزلروزه ایدون سبیل درده دوادی گوزیاشی
کیمدی که مطلب آلمیا ایستیه اربعین گونی
.
.
ایتدوز همان زمانی که گنبدینی مشاهده
عرض سلامه حاضر اول محضر پادشاهده
مطلبوزی آلون قزل قبّۀ بارگاهده
اسمینی ذکر ایدوب ویرون سس سسه اربعین گونی
.
.
ذکر زیارتیله چون آلدوز اجازۀ دخول
یوز قویون اول مزارینه زار شکسته دل ملول
هر چه اورکده حاجتوز واردی دعا اولار قبول
آند ویرون سیز اکبر نورسه اربعین گونی
.
.
یاده سالون او گون شه کرب و بلا مزارینی
جان کیمی باغروزا باسون اوغلی رضا مزارینی
اللری چاتمیانلاری ایله دعا مزارینی
قسمت اولا هر ایستین بیر کسه اربعین گونی
.
.
وار یری که جگر قانین قاتسوز او گونده گوز یاشا
زینب همانکه گون گلوب یتدی مزار قارداشا
خیمه قوروبلا قبرینون اوسته ویروبله باش باشا
زینب ئولر حسینینی گورمسه اربعین گونی
.
- چهارشنبه
- 10
- مهر
- 1398
- ساعت
- 15:8
- نوشته شده توسط
- ابوالفضل عابدی پور
ارسال دیدگاه