مرحبا پور مرتضایه
معدن عزت و سخایه
گلمیشم دردیمی دیئم من
محضر شاه کربلایه
.
سائلم یاحسین
قووما درگهیندن منی سن
وئر منه تذکره
اول مزار شش گوشه نی سن
حسین جانم – حسین جانم
.
.
.
.
ناخدای سفینۀ دین
سرّ بنیان آل یاسین
میوه قلب مرتضی دی
اهل عشقین اوجاتدی باشین
.
حق سنون سینه وی
طور عشقه سینا یارادوب
شانیده رتبه ده
برتر از مسیحا یارادوب
حسین جانم – حسین جانم
.
.
.
.
صبح ازّلده کوکب اولدی
جلوه سی نیّر شب اولدی
یاوری کربلا چولونده
قولسوزعباس وزینب اولدی
.
یاحسین قیل نظر
قوللاری قلم قارداشیوا
قسمت ائت قبریوی
اوردا بیردولاندیر باشیوا
حسین جانم – حسین جانم
.
.
.
.
گوهر کنز هل اتی دی
دلبر شاه لافتی دی
نام پاکی آقام حسینون
عالمین دردینه دوادی
.
سن علی اوغلوسان
حاجتی روا ایلر آدون
چاره سیز دردلره
یا حسین دوا ایلر آدون
حسین جانم – حسین جانم
.
.
.
.
دٶز«مصیب»غم فراقه
قیل توسل شه عراقه
بس کرامتلی اللری وار
حرمت ایلرآقام قوناقه
.
قبریوین وصفینی
کیم دیوب منی درده سالوب
کربلا فرقتی
صبریمی آقا الدن آلوب
حسین جانم – حسین جانم
- چهارشنبه
- 17
- مهر
- 1398
- ساعت
- 15:1
- نوشته شده توسط
- ابوالفضل عابدی پور
- شاعر:
-
محمد علی مصیبی
ارسال دیدگاه