روادی باشه بو گونده جهانیان توکه خاک
بو گونده ترک جهان ایلیوب شه لولاک
.
او مهر ترک ایلیوب آسمان اسلامی
دوتوبدی ظلمت محنت جهان اسلامی
.
فغان و آه و نوا دولدوروب جهانی تمام
قالوب بو گون آتاسیز جمله ملّت اسلام
.
گئدوب جهانون الیندن بو گون او درّ یتیم
قالوبدور امّت ختم رُسُل بو گونده یتیم
.
او عقل کُله اولوب عقل و علم مرثیه خوان
قیامته کیمی اول شاهه آغلیور قرآن
.
اولوبدی امّت و قرآن و دینیله هم درد
رسول اکرمه آغلار جهان و علم و خرد
.
علی ولیِّ خدا فاطمه حسین و حسن
اولوبلا ختم رسالت غمینده غرق مُحن
.
ائدوبدی زلفنی برهم شفیعۀ عُقبا
خانم بتولین اولوب ذکری دلده وا اَبَتا
.
مقدمه بو نچه سطری ایلدوم تحریر
حسین غمیله پیمبر غمین ائدوم تفسیر
.
پیمبر آچدی گوزون حال احتضارینده
گوروبدی عترت اطهارینی کنارینده
.
حسین آچاندا ولی جان وئرن زمان گوزینی
میان لشگر اشراریده گوروب اؤزینی
.
وئرن زمان شهِ مردان رسولِ اکرمه غسل
وئروبدی پیرهن اوستن او شاه اعظمه غسل
.
حسینه اولمادی بو سهلدور که غسل وئرن
او کهنه کوینگی هم چوخ گوروب اونا دشمن
.
قالوبدی دفنسیز اوچ گون رسول عالمیان
جلال و عزتی گون تک اولوب جهانه عیان
.
اولوبدی موجب حرمت او شاهه بو تأخیر
جهانه اولدی عیان شأن شاه عرش سریر
.
اولوب مهاجر و انصار دسته دسته ورود
جنازه نون باشینا دولانوب دیوبله درود
.
گرک بیان ایلیوم چکمیوم سوزه پرده
حسینده دفنسیز اوچ گون قالوب چوخور یرده
.
اونوندا دورۀ نعشینده چوخ اولوب دولانان
کیم اولدی بجدل و شمریله ساربان و سنان
.
بیری باشینا دولاندی عمامه سین آپاروب
بیری کنار ایلیوب قانلو جامه سین آپاروب
.
بیری اذیّته سالدی او دوغرانان بدنی
قوپاردی یاره لر اوستن او قانلو پیرهنی
.
بیری سموم جفا اولدی باغ دینه اَسوب
عزیز فاطمه نون خردا بارماقینی کَسوب
.
بو رسم دهردی شاهون الین رعیّت ئوپر
آلور الینه الین ایلر عرض حرمت ئوپر
.
گرک بو محنته چوخ آغلاسونلا اهل کمال
حسینون اللرینی گلدی اؤپمگه جمّال
.
او قانلو اللری چون آلدی ساربان الینه
آلوبدی ساچلارینی بانوی جنان الینه
.
بو آستانه ده «ناصر» همیشه قیل خدمت
وئرولَّه خدمت ناچیزیوه بُیوک خدمت
.
.
- چهارشنبه
- 17
- مهر
- 1398
- ساعت
- 15:9
- نوشته شده توسط
- ابوالفضل عابدی پور
- شاعر:
-
مرحوم ناصر اردبیلی
ارسال دیدگاه