قلم بیانه گلوبدور یقین بهانه سی وار
غزل یازیبدی کی موضوع عاشقانه سی وار
.
وجوه ظاهری توصیف ائدور نگاریندن
که وصف عشقینه مینلرگوزل نشانه سی وار
.
بیان باطنی اما ملال هجراندی
بصیرتیله باخان قلبیلرده خانه سی وار
.
فلک همیشه سالور آیری یاری یاریندن
بو چرخ کج فلکون چوخ یامان زمانه سی وار
.
غم فراق نگاره دوزنمیرم نه ائدیم
همیشه چون قولاغیمدا اونون ترانه سی وار
.
قراریمیز جمعه دی گلمدی هایاندا قالوب
مگر گورن آقامون هاردا آشیانه سی وار
.
گئدیبدی چاره الیمدن یولوندا منتظرم
بو انتظاریمین اخلاص و عاجیزانه سی وار
.
اورگده نیسگیلیمین سنده دور دواسی آقا
دییَنمیرم بیرینه چونکی محرمانه سی وار
.
محبتونده گرفتار اولوبدی الماسی
نه عیبی واردی مگر طبع شاعرانه سی وار
.
- چهارشنبه
- 17
- مهر
- 1398
- ساعت
- 15:17
- نوشته شده توسط
- ابوالفضل عابدی پور
- شاعر:
-
اصغر الماسی اهری
ارسال دیدگاه