گل باغ آلِ رسول سن
بالام آغلاما قیزیم آغلاما
ثمر ریاضِ بتول سن
بالام آغلاما قیزیم آغلاما
.
.
قوری یرده مسکن و منزلون
یوخ علاجی محنت و مشکلون
منه چوخ چتیندی بو مشکلون
بالام آغلاما قیزیم آغلاما
.
.
بو گیجه چوخ ایلوسن اضطراب
منی حالتین ایلیور کباب
قولووی کسوبدی مگر طناب
بالام آغلاما قیزیم آغلاما
.
.
سن عزیز شاه مدینه سن
سن اسیر فرقۀ کینه سن
سن همدم نازلی سکینه سن
بالام آغلاما قیزیم آغلاما
.
.
بو گیجه ندن ایدوسن فغان
بو فغانیله منی داغلوسان
نه اولوب سنه نیه یاتموسان؟
بالام آغلاما قزیم آغلاما
.
.
بیزه یوخ بو شامیده دادرس
کمک ایتموری بیزه هیچ کس
اسرادیلر سنه همنفس
بالام آغلاما قیزیم آغلاما
.
.
هامی بو مصیبته دور دچار
ایلمه بو نوعیله آه و زار
قاپودا قالوب گوزون انتظار
بالام آغلاما قیزیم آغلاما
.
.
یولا تیکموسن ایکی گوزلرون
گله یانیوه مه انورون
ئولوب اکبرون ئولوب اصغرون
بالام آغلاما قیزیم آغلاما
.
.
بو خرابده ایدرم نظر
هاموسی یوزه توکر اشکِ تر
هامی دربدر هامی خونجگر
بالام آغلاما قیزیم آغلاما
.
.
یتوشوبدی باشه مصیبتون
آزالوبدی رنج و مشقتون
بو گیجه دی آخر زحمتون
بالام آغلاما قیزیم آغلاما
.
.
منی غصه ایلدی باغریقان
ویروسن خرابده بیله جان
چون اولور بو غنچه گلوم خزان
بالام آغلاما قیزیم آغلاما
.
.
ایلیوبدی قدیمی غصه خم
منه ده سنون کیمی یتدی غم
قوری یرده یات بالا بیر بو دم
بالام آغلاما قیزیم آغلاما
.
.
سارالوبدی گل کیمی گل یوزون
اورگینده وار گورورم سوزون
سوله غصیه سالما اوز اوزون
بالام آغلاما قیزیم آغلاما
.
.
ایله ناله «مضطر» بینوا
یته دادیوه شه کربلا
سالوب اود جهانه بو ماجرا
بالام آغلاما قیزیم آغلاما
.
.
- پنج شنبه
- 18
- مهر
- 1398
- ساعت
- 12:6
- نوشته شده توسط
- ابوالفضل عابدی پور
- شاعر:
-
مرحوم مضطر قفقازی
ارسال دیدگاه