سبک :میگذرد کاروان
.
.
کربلایی فخرالدین اسکندری
.
.
شامه گلوب کاروان عامل پیمان اولا
نیزه ده اون یدی باش ناشر قرآن اولا
آه و وا ایچره قرآنیان
هلهله ایلیور شامیان
.
.
.
.
وارد اولوب شامه چون قافله ی کربلا
دیلده نوا گوزده یاش عترت آل عبا
هلهله و آه و وا عرشه چیخوب برملا
بیربیره یر گوگ دگوب وار یری طوفان اولا
آه و وا ایچره قرآنیان
هلهله ایلیور شامیان
.
.
.
.
زینب غم دیده نون قانه دونوب گوزیاشی
نیزه ده قرآن اوخور قانلی دوداق قارداشی
جان سنه قربان حسین سسلنور هر سوز باشی
نیزه باشین کیم گوروب منبر سلطان اولا
آه و وا ایچره قرآنیان
هلهله ایلیور شامیان
.
.
.
.
گلشنیمیز صرصر ظلمیله قارداش سولوب
داش توخانوب آلنیوا گل یوزون القان اولوب
وای باجون ئولسون حسین گوزلریوه قان دولوب
فاطمه ریحانیسن جان سنه قربان اولا
آه و وا ایچره قرآنیان
هلهله ایلیور شامیان
.
.
.
.
نازلی رقیون حسین ناله و افغان ایدر
نوحه ی غم دمبدم قمری خوشخوان ایدر
سوزلری بو قمرینون قلبیمی القان ایدر
نیزه ده سویلر گوروب کیم بیری میهمان اولا
آه و وا ایچره قرآنیان
هلهله ایلیور شامیان
.
.
.
.
عمه دییر اکبرین ذولفینی یللر دارار
چاتماز الیم نیزیه قلبیمی بو غم یارار
غمزه سی مین عاشقین جانینی بیر آن آلار
آزدور اگر دمبدم فدیه سی مین جان اولا
آه و وا ایچره قرآنیان
هلهله ایلیور شامیان
.
.
.
.
اهل حرم قول قولا باغلانوب ایلر نوا
بامیلر اوستن توکور کول داش آتور اشقیا
کثرت غمدن اولوب خونجگر آل عبا
گوزده کی گوز یاشلاری وار یری القان اولا
آه و وا ایچره قرآنیان
هلهله ایلیور شامیان
.
.
.
.
قاسم شهزاده نون قانه باتوب گوز قاشی
نیزه باشیندا گورونمور گوزه سقا باشی
زین العبادین آخارگول یوزه گوزدن یاشی
آز قالوری غصه دن قلب ایوی ویران اولا
آه و وا ایچره قرآنیان
هلهله ایلیور شامیان
.
.
.
.
شال عزا بوینونا میر دوعالم سالوب
قلبیمی یا رب دییر غملر آلوب درد آلوب
گورنه گونه سویلیور آل پیمبر قالوب
وار یری سینم بوگون طعمه ی حرمان اولا
آه و وا ایچره قرآنیان
هلهله ایلیور شامیان
.
.
- پنج شنبه
- 18
- مهر
- 1398
- ساعت
- 12:35
- نوشته شده توسط
- ابوالفضل عابدی پور
- شاعر:
-
کربلایی فخرالدین اسکندری
ارسال دیدگاه