دردین دئیه دیل آچدی او اثناده رقیّه
گؤردی باباسین عالم رؤیاده رقیّه
.
.
عرض ائتدی بابا هارداسان ای خسرو عالم
مدّتدی بو ویرانه ده اوج ایلوری نالم
یورقون یارالی خسته دلم غرق ملالم
گوندوز گئجه غمدن گلوری داده رقیّه
.
.
آغوشوه آل ایله نوازش منی زاره
باخ حال پریشانیمه زلفیمده غباره
ال چئک باباجان باشیمه لطفیله دوباره
مدّتدی سنی سسلوری امداده رقیّه
.
.
آچدی قولونی خوابیده اول زار و جگرخون
سالسون بابانون بوینونا با حالت محزون
ناگه اویانوبدی یوخودان حالی دگرگون
یوخدی باباسی گؤردی او مأواده رقیّه
.
.
سسلندی بابام گلمیشیدی بس هارا گئتدی
آلمادی منیم گویلومی سرعتله قئییتدی
ناله ایلدی ناله سی اولدوزلارا یئتدی
گتدی اسرانی بلی فریاده رقیّه
.
.
ایستیردیم اونا غملریمی ایلیم ابراز
ایستیردیم او محبوبه دوباره ائلیم ناز
گویلوم واریدی ایلیه بو زاری سرافراز
گؤرسون کی دوشوب پنجۀ صیّاده رقیّه
.
.
ایستیردیم اونا صورتیمی گؤرسدم آخر
بیلسون نه چئگوب آیریلیقیندان دل مضطر
قیز دردرینی بابایه دئیر اولسا مکدّر
آواره قالوب غصّه لی دنیاده رقیّه
.
.
ویرانه ده احوالینی الان سوروشان یوخ
آزسنّیده عالمده اولوب غصّه سی چوخ چوخ
شام اهلی ویرور قلبینه هر کلمه ده مین اوخ
گؤزلرده اولوب خوار بو شهزاده رقیّه
.
- پنج شنبه
- 18
- مهر
- 1398
- ساعت
- 13:25
- نوشته شده توسط
- ابوالفضل عابدی پور
ارسال دیدگاه