ئولوب خرابه ده ای شامیان بالام قالدی
مدینییه گیدورم باغریقان بالام قالدی
.
مزارینی سیزی تاری گلون زیارت ایدون
چوخ آغلیون بونا یوخ آغلیان بالام قالدی
.
الی اوزولدی وطندن گیدنمدی وطنه
ویروب خرابه ده حسرتله جان بالام قالدی
.
اولاندا هر شب جمعه چراغ روشن ایدون
مزاری اوسته اولون نوحه خوان بالام قالدی
.
سیلین غبارینی سیز قویمیون قالا توزلی
بو غربت ئولکه نی ایلوب مکان بالام قالدی
.
رقیه قبرین امانت قویوب سیزه گئدورم
چوخ احترام ایلیون میهمان بالام قالدی
.
بو شامیده بالامین سیز بو غملو روضه سینی
مزار ایدون اؤزؤزه جاودان بالام قالدی
.
چو عندلیب قفس بو خرابه گوشه سینی
اوزینه آخر ایدوب آشیان بالام قالدی
.
وصیتیم بودی هر آن خرابیه گله سوز
اولون منیم یریمه روضه خوان بالام قالدی
.
بیر ائل قبیله قویوب کربلاده گلمیشدی
ئولونجه گوز یاشین ایتدی روان بالام قالدی
.
بابا بابا دیدی حسرت قالوب بابا یوزینه
گورنمدی داخی اول باغریقان بالام قالدی
.
یازاردی اکبرین آدین اشگ چشمی توپراقه
ائدردی نی کیمی هر آن فغان بالام قالدی
.
خرابه توپراقین اشگی ایدوب گل آلوده
دیمزدی دردین ایدردی نهان بالام قالدی
.
اوجادان آغلیا بولمزدی شمر خوفیندن
چوخ اینجیدوب بونی شمر و سنان بالام قالدی
.
گلنده شامه دوگوب ساربانلار اینجیتدی
جفای دشمنه دوزدی هر آن بالام قالدی
.
آپاردی محشره جسمینده قمچی یرلرینی
باباسینا وئره بیربیر نشان بالام قالدی
.
صغیره سنیله هر بیر مصیبته دوزدی
وجودین ایتدی غمی ناتوان بالام قالدی
.
او گیزلدردی اؤرک دردینی دینمزدی
یارالی سینه ده دردی نهان بالام قالدی
.
سزیلدینده منیم قلبیمی ایدردی کباب
غمینده یانام اوزوم هر زمان بالام قالدی
.
آپاردی قبره بو نسگل لری اورکده اوزی
بهار عمری تیز اولدی خزان بالام قالدی
.
آپاردی محشره جسمینده قمچی یرلرینی
باباسینا ویره بیر بیر نشان بالام قالدی
.
واریدی گر چه بونون ذوقی گیتماقا وطنه
نه چاره ویرموب اجل بیر امان بالام قالدی
- جمعه
- 19
- مهر
- 1398
- ساعت
- 15:57
- نوشته شده توسط
- علیرضا گودرزی
ارسال دیدگاه