چوخ آغلاما خرابده
گوزوم ضیاسی آی بالا
سرشگیله دولان گوزون
بیبون فداسی آی بالا
.
سولوبسان گل تک اولوبسان پرپر رقیه
ملال و غمدن سارالدی گوزلر رقیه
اوقدری ویران سراده فریاده گلدون
یانوب احوالونده آل حیدر رقیه
.
رقیه وفالی
حسینون مارالی
.
.
.
.
ادبلی مهربان بالا
سه ساله قهرمان بالا
کجاوه لرده شامه جک
نوالی نوحه خوان بالا
.
اولان همدم زینب نالانه رقیه
اولوب سینون ظلمیله غمخانه رقیه
یاناردون غم مجمرینده اشرار الینده
گله لعنت دشمن دورانه رقیه
.
رقیه وفالی
حسینون مارالی
.
.
.
.
.
.
اولوبدی نیلی صورتون
عزیز حی لامکان
دوشوب گوزه جفائیله
ستم الیله لخته قان
.
آنام کیمی وار یوزونده سیلی نشانی
آلورغمدیده بیبوندن تاب و توانی
سن آغلورسان قان اولور اورکلر غمونده
نجه سیلیم صاق گوزونده کی لخته قانی
.
رقیه وفالی
حسینون مارالی
.
.
.
.
.
.
ورانداسیلی زجردون
نوایه گلمدون ندن
الون عذاروه قویوب
ملالون ائتمدون علن
.
یانوب اوحاله یقین عرش اهلی سراسر
گلوب معناده نوایه زهرای اطهر
ملالونده قان اولار اشگی عالمینون
توکوب رخساره سرشگ محنت ملکلر
.
رقیه وفالی
حسینون مارالی
.
.
.
.
.
یانوب فراقه آغلوسان
آخورعذاره گوزیاشون
خرابده ائدور نوا
تمام یار و یولداشون
.
چخور سپهره شرار آهون نهانی
دوتوبدی معناده افغانون نه سمانی
سنون ملال و مصیبتون دفترینده
گرک یازسون موبه مو یازاندا (جوانی)
.
رقیه وفالی
حسینون مارالی
- جمعه
- 19
- مهر
- 1398
- ساعت
- 16:7
- نوشته شده توسط
- TzwSVsOw
- شاعر:
-
موسی جوانی تبریزی
ارسال دیدگاه