راحت جان روح روان رقیه رقیه
آهو باخیش غنچه دهان رقیه رقیه
ائتمه منیم باغریمی قان رقیه رقیه
.
.
گوز یاشیوی خون دله قاتوبسان قاتوبسان
وصلتِ دلداره قزیم چاتوبسان چاتوبسان
قبریده سن قاره کفن یاتوبسان یاتوبسان
عمّون اولوب قدی کمان رقیه رقیه
.
.
صحنۀ عشقیمده گوزل بهاریم بهاریم
عمرومه دوز بخت ائویمه وقاریم وقاریم
گور نجه سلب اولدی منیم قراریم قراریم
آچ گوزیوی یاتما اویان رقیه رقیه
.
.
عمه لرون دویمادیلار سوزوندن سوزوندن
غصه توزون سیلمدیلر یوزوندن یوزوندن
آخدی ئورک قانی قرا گوزوندن گوزوندن
حالیوه اولمادی یانان رقیه رقیه
.
.
پنجۀ جبریله قزیم تالاندون تالاندون
چوللری قول باغلی گزوب دولاندون دولاندون
دردیوی روشن دئمگه اوتاندون اوتاندون
قالدی سوزون دلده نهان رقیه رقیه
.
.
سالدی سنی دست اجل کمنده کمنده
قالمادی گول صرصرِ ظلم اسنده اسنده
دردیوه اولموبدی دوا نه سنده نه منده
گلشنیمیز اولدی خزان رقیه رقیه
.
.
دست قضا نقشه لری دوز اولدی دوز اولدی
شوکت و نازون گوزلیم سوز اولدی سوز اولدی
آهو باخیش قاره گوزون گوز اولدی گوز اولدی
ووردی نظر قهر زمان رقیه رقیه
.
.
آتدی سنی گوزدن عجب زمانه زمانه
قلبون اولوب تیر غمه نشانه نشانه
یوردی بلا گتدی سنی فغانه فغانه
قالمادی جسمونده توان رقیه رقیه
.
.
اوچی ووروب سن کیمی بیر مارالی مارالی
دوشدون ائلوندن مارالیم آرالی آرالی
قبره گئدوب گول بدنون یارالی یارالی
دردون ائدوب باغریمی قان رقیه رقیه
.
.
همدووَم یوخ دلیمون دواسی دواسی
نی کیمی وار سوزلریمون نواسی نواسی
سینمه گلسون گوزوون قاداسی قاداسی
چوخ تئزیدی دفن اولاسان رقیه رقیه
.
.
اولمادی چاره گوزلیم الیمده الیمده
آتش ماتم یایلوب دلیمده دلیمده
قالدی فراقوندن الیم بلیمده بلیمده
عاشقووم والله اینان رقیه رقیه
.
- سه شنبه
- 23
- مهر
- 1398
- ساعت
- 14:6
- نوشته شده توسط
- ابوالفضل عابدی پور
- شاعر:
-
سید تقی سیفی اردبیلی
ارسال دیدگاه