ای زینبه روح و روان لای لای رقیه
دور کوچ ائدور بو کاروان لای لای رقیه
.
.
شام اهلینون هرگز بیزه یوخدور وفاسی
بو امتین گلمز سایا جور و جفاسی
سنسیز بو دنیانون منه یوخدور صفاسی
بو آیرلیقدان الامان لای لای رقیه
.
.
رحم ایلمز بو شامیان هرگز قوناقه
گوزلور یولون یولداشلارون دور بیر ایاقه
شاید گئداخ بو اربعین سمت عراقه
یوخدور داخی شمر و سنان لای لای رقیه
.
.
آخشام اذان وقتی یره اکبر یازاردون
اکبر آدوندان دویمامیش اصغر یازاردون
اما یازاندا آدلارون مضطر یازاردون
ای اشکیله دردین یازان لای لای رقیه
.
.
یاندیردی آخرقلبیمی بو اضطرابیم
دوزمز داخی بو غمده لیلاو ربابیم
اکبر خبر آلسا سنی اولماز جوابیم
قویما قالام حیران اویان لای لای رقیه
.
.
ویرانه ده یومدون گوزون دنیانی آتدون
ایوای منه باشون قویوب تپراقه یاتدون
گوردون باباوین باشینی مقصوده چاتدون
ای عمه سین آغلار قویان لای لای رقیه
.
.
یومدون گوزون بو عمردن آتدون حیاتی
ای اوچ یاشیندا درک ائدن طعم مماتی
زهرا آنام تک سویلدون عجل وفاتی
آز عمریده جاندان دویان لای لای رقیه
.
.
« شیدا » یازاندا غملرون آغلور رقیه
خون دلین رخسارینه باغلور رقیه
نسگللرون اوخشور سینه داغلور رقیه
ایستور قیامتده امان لای لای رقیه
- سه شنبه
- 23
- مهر
- 1398
- ساعت
- 16:42
- نوشته شده توسط
- ابوالفضل عابدی پور
- شاعر:
-
محمدرضا صادقی
ارسال دیدگاه