سبک ها :
:: خداحافظ ای آنام باجی
:: سن آغلوسان من دوزنمورم
.
مرحوم معزی اردبیلی
.
حسین گلوب اربعینوه ماهپاره لر قارداش
ربابوون حالینه ملر شیر خواره لر قارداش
.
.
بلالی چولده قرا باشه باغلیانلارون گلدی
شرار آهیله عالمی داغلیانلارون گلدی
ایاقه دور پیشواز ایله آغلیانلارون گلدی
کناره نهره باخوب یانار بخت قاره لر قارداش
.
.
تاپانمادیم من سنه کفن قبریوه باجون قربان
خجالتم فوق العاده من قبریوه باجون قربان
گتورمیشم قانلی پیرهن قبریوه باجون قربان
نیه آپارمشیدی غارته هیچ کاره لر قارداش
.
.
.
یزید بی آبرو بیزه ظلمین آشکار ایتدی
دوداقلاروندان توکولدی قان باخدی افتخار ایتدی
یارالانان لبلری گوروب قیزلار آه و زار ایتدی
چاغیردی عباسی دادینه قلبی یاره لر قارداش
.
.
.
طبقده قانلی باشون گلوب روشن اولدی ویرانه
ویریلدی باشون رقیه بلبل خوش الحانه
پر آچدی پر ویردی شمعینه یاندی مثل پروانه
گتوردی درده منی اول نظاره لر قارداش
.
.
.
یارالی سینمده حبس ایدوب غصه لی سوزون گلدیم
رقیوون گیزلدوب ئوزوم قبریده یوزون گلدیم
بابا بابا سسلنوب ئولوب باغلیوب گوزون گلدیم
سارالدی سولدی خرابه ده بو هزاره لر قارداش
.
.
- سه شنبه
- 23
- مهر
- 1398
- ساعت
- 16:56
- نوشته شده توسط
- ابوالفضل عابدی پور
- شاعر:
-
استاد یوسف معزی اردبیلی
ارسال دیدگاه