دور ایاقه پیشواز ایت
منِ باغریقانی قارداش
باجیوام منی دانیشدیر
آنامون نشانی قارداش
.
.
آنام اوغای اربعینه من زار و خسته گلدیم
دولانوب کمانه قدیم ئورگی شکسته گلدیم
گینه گوز یاشیم روانه اولا قبرین اوسته گلدیم
گتوروب فغانه دردون هامی انس و جانی قارداش
.
.
باجیوام دیلون فداسی دیله گل منی دانیشدیر
غم اوخیلا آز یانان بو سینمی حسین آلیشدیر
آناسی ربابیلن سن علی اصغری باریشدیر
سیزه چوخ نوا ایدوبدور بیلورم نهانی قارداش
.
.
دورایاقه کاروان غم نینوانی گتدیم
سنه نوحه خوان اولان بیر سوری آهوانی گتدیم
ولی اوچ یاشیندا قیزدان سنه بیر نشانی گتدیم
ئوز الیمله دفن قیلدیم او عزیز جانی قارداش
.
.
او خرابه شامین ایچره غم آشوب داشوب باشیمدان
غم بی کرانه قارداش اوخونار بو گوز یاشیمدان
منی چرخ دون آیوردی ستمیله یولداشیمدان
غم و محنتینده سالدی باشیما قرانی قارداش
.
.
غمی باش آنامدان اولدی ئورگینده یاره گیتدی
اوهزار نازدانه نجه گور مزاره گیتدی
او نحیفه جسمه قارداش کفن اولدی قاره گیتدی
ئوز الیمله قبره قویدوم بودی داستانی قارداش
.
.
سنی ترک ایدن زماندان یوزه گوز یاشیم رواندور
گیجه گوندوزی برادر ایشیم آه و الاماندور
قدوقامتیم حسینیم بوکولوبدی چون کماندور
اریدوب غم فراقون من بینوانی قارداش
.
.
سنه گل بیان ایدوم من باشیما گلن بلادن
باشیما گلن بلادن غم ودرد و ابتلادن
ره کوفه دن دیوم یا ره شام پر جفادن
باجون ای یارالی باش خوش ویروب امتحانی قارداش
.
.
بوگوزل مزارون اوسته یری واردی باش آچام من
گوز ایوینده تیر درد و غم و محنتی ساچام من
باش آچوق یالین ایاق تا سر نهره جک قاچام من
گیدوب اوخشیام مزارینده او دلربانی قارداش
- سه شنبه
- 23
- مهر
- 1398
- ساعت
- 17:12
- نوشته شده توسط
- ابوالفضل عابدی پور
- شاعر:
-
کربلایی فخرالدین اسکندری
ارسال دیدگاه