آیریلیقدان دلده سوز جانگدازیم وار حسین
وصلتین اعجازینه مبرم نیازیم وار حسین
.
گولدن ئوتری نیش خاری نوش ائدن بولبول کیمی
زخمدارم ، بیقرارم ، سوز وسازیم وار حسین
.
کربلایه شامدن زار و پریشان گلمیشم
قارداشیمدان انتظار پیشوازیم وار حسین
.
یاخشی یوخلارسان قوناقی اولساگر بیگانه ده
باجوام قارداش مضاعف امتیازیم وار حسین
.
آچ اوقانلی گوزلری باخ روزگار زینبه
آغ ساچیمدا فاش اولونموش رمز رازیم وار حسین
.
درد عشقون هم قوجالدیب هم اوجالدیبدور منی
من ولی خجلتدن ئولسمده جوازیم وار حسین
.
دور حلال ایله بونالایق امانتداروی
حامل دردم کلام غصه سازیم وار حسین
.
او رقیه که چکردون نازینی کاشانه ده
غصه دن ئولدی ئوزوم دفن ایلدیم ویرانه ده
- پنج شنبه
- 25
- مهر
- 1398
- ساعت
- 14:30
- نوشته شده توسط
- ابوالفضل عابدی پور
- شاعر:
-
جعفر عباس نژاد
ارسال دیدگاه