سبک : ای حرمینه ناز ائدن ... عطری گلور محرمون ... واردی باشیمدا یا حسین ...
.
.
باخبر ایله سن منی
حال مدینه دن حسین
منده دیوم شماتتِ
فرقۀ کینه دن حسین
.
.
وارد اولاندا شامه بیز آه و نواله ناقه ده
سن شهداله نیزه ده من اسراله ناقه ده
کثرت طعنه دن قدیم دوندی هلاله ناقه ده
امر محالیدور گیده بو یارا سینه دن حسین
.
.
ظلمنی اول عجوزه کیم ائتدی زیاد علاوه دن
داشیله ووردی باشوی سالماقچون تلاوه دن
باشمی منده زخمدار ائتدیم او دم کجاوه دن
داغلودی شمردن گوگول هم او لعینه دن حسین
.
.
بیزلره هر نه ظلم وار ایلدی قوم اشقیا
شرحه گلن دگول یقین چکمیشم اول قدر جفا
خارجی نسبتی هارا عترت مصطفی هارا
وار یری شکوه ایلسم دور قرینه دن حسین
.
.
بزم شرابده بیی ساخلادی شمر فتنه جو
ائتدی یزید بی حیا ترک حیا و آبرو
سویلدی ای علی قزی ایله منیله گفتگو
تاپمادی بلمرم اجل اوندا منی ندن حسین
.
.
من نجه یاتمیوم مگر سولدی بهار و گلشنیم
ایلدیلر دشمقده کنج خرابه مسکنیم
فاحشه لر گلوردیلر سیر مکانیمه منیم
طعنه ائشیتدیم هر زن پست و کمینه دن حسین
.
.
گلدی سلامت عترتون قبریوه ای شه جهان
شام خرابه سین ولی ایلدی بیر قزون مکان
چکدیگی ذلتین اونون من ائده بیلمورم بیان
واقف سن اوزون که هر حال سکینه دن حسین
.
.
چخدوق او گون مدینه دن خیلی جلال و جاهلن
محمل نازه من سوار سن او قدر سپاهلن
ایندی نه نوعی من گئدوم مقنعۀ سیاهلن
قالمیوب اول گتوردوگوم زیب و زرینه دن حسین
.
.
درگهیوه دخیلدور قووما او کلب کمتری
گچدی حسابدن گئنه یوخ حسنه برابری
«یحیوینی» جزاده قیل نار عذابیدن بری
عذری یوخ الده خوف ائدر روز پسینه دن حسین
.
- پنج شنبه
- 25
- مهر
- 1398
- ساعت
- 14:33
- نوشته شده توسط
- ابوالفضل عابدی پور
- شاعر:
-
حاج عباسقلی یحیوی
ارسال دیدگاه