بو قبره زینبون قربان حسینیم
ویرن تشنه بو چولده جان حسینیم
.
.
بو شش گوشه مزارون با صفادی
بویرکربوبلا دارالشفادی
مزارون خاکی هردرده دوادی
بو یر دور روضۀ رضوان حسینیم
.
.
ندن قبرون اولوب ششگوشه قارداش
ویرردم عاشق مدهوشه قارداش
بوقبروندن گوتوررم توشه قارداش
ویرن ای روح وجسمه جان حسینیم
.
.
شهامت گوستروبسن غیرتوندن
ندن کسدون علاقه زینبوندن
آلور عطرون باجون بو تربتوندن
بوعطری ویرمزهیچ ریحان حسینیم
.
.
مرامون اولدی بو دنیاده عالی
اولوبسان اهل بیتیندن آرالی
برادرخستیم یور قون یارالی
اولوب بو زینبون نالان حسینیم
.
.
منیم همراه لاریم گریاندی قارداش
فراقوندان اورکلر قاندی قارداش
عیالون قبریوه مهماندی قارداش
اولوب بواربعین احسان حسینیم
.
.
گلوبدی قیزلارون بو قبرون اوسته
گلن لریاسلیدی یورقوندی خسته
قالوبدی شامده بیرعشقه بسته
رقیه ویردی اوردا جان حسینیم
.
.
قالوب ویرانه ده یورقون یارالی
دوشوب ایلدن آناسیندان آرالی
ایدوب اوچ عمه سین یاسلی عزالی
سفیرون دور سنون هر آن حسینیم
.
.
«محمد» عمرونی قورتاردی قارداش
دیوب نوحه سنه آغلاردی قارداش
بیزه خادم اولا یالواردی قارداش
اونون دردین ایله درمان حسینیم
.
.
- پنج شنبه
- 25
- مهر
- 1398
- ساعت
- 14:35
- نوشته شده توسط
- ابوالفضل عابدی پور
ارسال دیدگاه