مرحوم حاج بیوک اعظمی تبریزی
.
مسلمینه بو گون یوز ویروب مصیبت
خاتم النّبیّین ایلیوبدی رحلت
.
نالیه گَلوب احکام
سسلور عالم اسلام
وای پیمبر ایوای (2)
.
.
.
.
دین حق یولوندا چکدی چوخ ریاضت
ایلمزدی اصلاً خلقیدن شکایت
.
گردش زمان دوندی
آغلا شمع دین سولدی
وای پیمبر ایوای (2)
.
.
.
.
گور نجه جهاندا بو وفاسیز امّت
شافع جزایه ایتدیلر اذیّت
غصّه چکدی دائم حامی شریعت
.
دردیله گوگل دولدی
عمر گلشنی سولدی
وای پیمبر ایوای (2)
.
.
.
.
قوم کین همیشه ایتدیلر عداوت
باشینه توکوب کُل رحمسیز جماعت
تا خزان اولوبدور گلشن رسالت
.
سولسا گُل سولار یَپراق
باشوزا سپون توپراق
وای پیمبر ایوای (2)
.
.
.
.
یوز ویروب جهانه اوزگه درد و محنت
جاریدور عذاره گوزدن اشک حسرت
چون رسول اکرم ایلیوبدی رحلت
.
شیعه سینوی داغلا
آغلور عالمِین آغلا
وای پیمبر ایوای (2)
.
.
.
.
ظلمیله سونوبدور مشعل هدایت
رکن دین سنوبدور باشلانوب قیامت
یوخدی درد و غمدن شیعیه فراغت
.
نالیه گَلور قرآن
آغلور عالم امکان
وای پیمبر ایوای (2)
.
- سه شنبه
- 30
- مهر
- 1398
- ساعت
- 16:23
- نوشته شده توسط
- ابوالفضل عابدی پور
ارسال دیدگاه