یوزین قویدی دوباره اول مزار اطهره زینب
یتوردی مطلبی بیر بیر او شاه محشره زینب
قسم ویردی حسینی آلتی ایلیق اصغره زینب
دیدی ای مظهر طاها منی گل سرفراز ایله
قوزی قربانوین قبری هایاندا زینبه سویله
.
.
آنام اوغلی گزوب هر کیم تاپوب ئوز یارینین فبرین
باسوبدور جان تک آغوشه هامی دلدارینین قبرین
گزور بیر غملی مادر تاپمور ئوز غمخوارینین قبرین
اورکده اللری قلبنده درد و محنتی واردی
ملر آهو کیمین قلبین حسین جان تیر غم یاردی
.
.
تاپانمور اوغلونون قبرین نشان ویر اول دل افکاره
اماندی قویما چوخ گزسین بو ماواده او بیچاره
علی و اصغره تحفه گتورموش خیردا گهواره
گجه گوندوز اونی هی ترپدوب لایلای چالوب آغلار
یانقلی آهیله گردون دونه اود سالوب آغلار
.
.
بو قدری آغلادی زینب سوزوب اشکی عذاریندن
حسینی باخبر ایتدی خانم حال نزاریندن
بیله بولّم بو سس گلدی او شش گوشه مزاریندن
دیدی سویله ربابه چوخ دولانما اصغرین قبرین
سینم اوسته یاتوب آختارما بو خونین یرین قبرین
.
.
دینن ای غم زده مادر بو قدری ایلمه شیون
ایشیتسه نالوی حتما بو یرده شاد اولار دشمن
علی و اصغره ایتدیم یارالی سینمی مدفن
نه گهواره ، نده زینب سووین مشتاقیدور اصغر
قیام حشره جک سویله سینمده باقیدور اصغر
- سه شنبه
- 30
- مهر
- 1398
- ساعت
- 16:45
- نوشته شده توسط
- ابوالفضل عابدی پور
- شاعر:
-
استاد یوسف معزی اردبیلی
ارسال دیدگاه