کربلا کربلا
آدیوه جان فدا
گلدی مهمان سنه
دختر مرتضی
.
آغلور ارض وسما
دلدن ایلر نوا
کربلا کربلا
کربلا کربلا
.
.
اربعینه گلوب زینب دلغمین
زلفی آغ قدّی خم درد و آهه قرین
سسلنور ئولمه دیم قالمیشام چوخ چتین
نیمه جانم حسین هجریوه مبتلا
.
.
کهنه دنیا قانا قاتدی گوز یاشمی
وئردی عالم غمین آلدی قارداشمی
کوفه ظلمینده من یارمشام باشمی
گلمیشم محضره قلبی قان باش یارا
.
.
من یانان آتشه یاندی پروانه ده
وئردی شیرین جانین عشق جانانه ده
قالدی خیردا قیزون کنج ویرانه ده
گوردی نوراللهی تاپدی راه بقا
.
.
من لباس غمی سویمادیم یاحسین
آغلاماقدان سنه دویمادیم یاحسین
عفو ائله قبریوه قویمادیم یاحسین
جبریله زینبون اولدی سندن جدا
.
.
اونداکی قارَه وی باشیمه باغلادیم
سینه می آتشِ عشقیوه داغلادیم
یاتمادیم صبحه تک هر گجه آغلادیم
سویلدیم قبریوه یاحسین من فدا
.
.
گردشِ چرخ دون سن ئولندن صورا
قهرمان زینبی چکدی هاردان هارا
گلمیشم شامیدن قول یارا باش یارا
سالدی دیلدن منی قمچی لر برملا
.
- سه شنبه
- 30
- مهر
- 1398
- ساعت
- 17:27
- نوشته شده توسط
- ابوالفضل عابدی پور
- شاعر:
-
حاج داود بیدق داری
ارسال دیدگاه