• جمعه 10 فروردین 03


متن شعر ترکی اربعین -(یتیشوبدی قبریوه زینبون )

499
1

یتیشوبدی قبریوه زینبون 
گوزی یاشلی قلبی یارا حسین 
قوجالوبدی تاگلوب اربعین 
گوره توزلی قبریوی یاحسین 
سنه اون بیرین گونی آغلادیم 
ولی اشکیدن دویا بیلمدیم 
اورگیمده غصه لباسینی 
او زماندا من سویا بیلمدیم 
منی عفو ائله شه بیکفن 
سنی قبریوه قویا بیلمدیم 
ائلیوبله جبریله بیزلری 
او چتین زماندا جدا حسین 
سنی توپراق اوسته قویوب ئوزوم 
یولا دوشموشم بو سیاقیله 
دئیه بیلمورم بو بلاکشون 
نجه دوزدی بیر بئله مشکله 
وریلانلاری یولا سالدیلار 
یتشوبدی کوفیه قافله 
باشیوا جداده داش آتدیلار 
اوجالوبدی عرشه نوا حسین 
نجه عرض ائدیم سنه باغبان 
که خزان نه گللری سولدوروب 
بو اسارتین غمی زینبین 
اورگین ملالیله دولدوروب 
سوزین عارفی بیلر عرضیمی 
سنی ئولدورن منی چوخ ووروب 
سنه ارمغانِ سفردی بو 
قولا نقش اولان یارا یاحسین 
کیم ئولوبدی راحت اولوب ولی 
باجیوا نفسده اولوب چتین 
سنه هانسی غمدن ائدیم بیان 
که شماری یوخدی بوغملرین 
بوسفرده مین یول ئولوب گینه 
دیرلوبدی زینب دلغمین 
نفسیم گلور ولی قامتیم 
بوکولوب اولوبدی دوتا حسین 
او زمان که پرچم نهضتی 
منه واگذار ائلدون حسین 
باشیمی اوجالدوب عیالوه 
منی رازدار ائلدون حسین 
ئوزیوی نگاریوه همنشین 
منی بیقرار ائلدون حسین 
سنه یاراولوبدی رضای حق 
منه همره اولدی بلا حسین 
بو ربابیدور علی اصغرین 
سنه وئردی غملی دیاریده 
وریلاندا قیزلارون آغلیوب 
سنی سسلیوب دل زاریده 
بوکولوبدی من کیمی قامتی 
ولی صبرائدوب غم یاریده 
سنون عشقویله نفس چکوب 
ائلیوبدی یولدا نوا حسین 

  • سه شنبه
  • 30
  • مهر
  • 1398
  • ساعت
  • 17:52
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید


حجم فایل 495.90 KB
تعداد بازپخش 20
تاریخ بارگذاری سه شنبه 30 مهر 1398 10:53
عنوان : به این سبک اجرا شود

ارسال دیدگاه



ورود با حساب گوگل

ورود کاربران