شامیدن گلدیم حسین جان قبریوون دیدارینه
دور نظر قیل زینبون بو دیده خون بارینه
یورقونام قارداش حسین
پوزقونام قارداش حسین
.
.
بیر بولوک یورغون ملر آهو گتیردیم قبریوه
بیر خمیده قامت آق گیسو گتیردیم قبریوه
لب لرین عطشاندی بیلدیم سو گتیردیم قبریوه
آگهم قارداش حسین قلبینده هر اسرارینه
.
.
عترتین دوتسون سنه ماتم گتیردی زینبون
برگ گولده قبریوه شبنم گتیردی زینبون
یاره وه گوز یاشلارین مرهم گتیردی زینبون
باخ حسین جان زینبون گوزدن آخان شهوارینه
.
.
شامیده چوخ چکمیشم درد و ملامت گلمیشم
اولمویوب هرچند گر قارداش سلامت گلمیشم
حیف اولا اما رقیندن خجالت گلمیشم
ممکون اولسا دور یئتیش بیر قیزلارین آمارینه
.
.
بیر گئجه یاتسون بالام راحت بیر امکان تاپمادیم
حالینه یانسین اونون بیر اهل ایمان تاپمادیم
دردینه ویرانه ده نئیلیم که درمان تاپمادیم
شمع تک یاندیم شرار سوز آه و زارینه
.
.
شامیان گرچه شمادت ائیلیوب ال چالدیلار
صبریمی زخم زبانیله اورکدن آلدیلار
کوفه ده اعدا ولی واللهی حیران قالدیلار
زینبون شیر خدا تک نطقینه گفتارینه
.
.
باشلادیم بیر خطبه قرداش ائیله گفتار ائیله دیم
شیر زن لفظیله اعدایله پیکار ائیله دیم
تا ابد هندجگر خوار اوغلونی خوار ائیله دیم
اولدی آگه خلق اونون بد فعل و شوم افکارینه
.
.
من دئدیم ای کوفیان دل بند زهرا زینبم
جدیم احمدی گول گلزار طاها زینبم
شیر یزداندور آتام من حیدر آسا زینبم
وارثم من شاه ملک لافتا رفتارینه
.
.
من دئدیم آند اولسون اول نوک جداده باشلارا
هم قسم یورقون او گوزلردن آخان قان یاشلارا
هم قسم اول قانلاریکه یازدی یاهو داشلارا
حق بیزیمدی باخمیون بیر عده نین انکارینه
.
.
بو بلاغتله عدونی حیرته سالدیم حسین
نیزه ده قانلی باشین چوخ فکرینه قالدیم حسین
آخر اللردن بو قانلی کوینگین آلدیم حسین
یاندی قلبیم کوینگینده نیزه اوخ آثارینه
.
.
چکدی باشیم بیر بئله جور و جفا گلدیم حسین
گوردوم هر رنج و غم و درد و بلا گلدیم حسبن
شامیدن باشدا هوای کربلا گلدیم حسین
دور حسین باخ قبریون بو غصه لی زوارینه
.
.
چوخ اوزاق یوللارگلوب یورقوندی قاداش زینبون
محنت ایامیدن دوتقوندی قارداش زینبون
دور دانیشدیر گور نئجه پوزقوندی قارداش زینبون
غصه دن سانکی اجل گردی قونوب رخسارینه
.
.
قنبری نوحه یازاندا سعی بسیار ائیله سن
یاز حقیقت سوز همیشه حفظ اشعار ائیله سن
بو سوزی زینب دیلیجن بیرده تکرار ائیله سن
شامیدن گلدیم حسین جان قبریوون دیدارینه
.
- سه شنبه
- 30
- مهر
- 1398
- ساعت
- 18:10
- نوشته شده توسط
- ابوالفضل عابدی پور
- شاعر:
-
اکبر قنبری تیکمه داش
ارسال دیدگاه