چون محکم ایدوب دینیله ایمانی پیمبر
وقت اولدی که رحلت قیلا دنیانی پیمبر
.
.
اولدی ملک الموت در رحمته نازل
دوردی در درگاهِ نبوّتده چو سائل
اذن ایستدی اولسون شرف محضره داخل
قالدی نگران تا یته فرمانِ پیمبر
.
.
چون اذن دخول آلدی گلوب ایلدی تعظیم
بعد ایتدی سلام عرض ایدوب ای معنی حامیم
ایلوبدی بله حکم منه خالق عالیم
اذن اولسا اگر قبض ایلیم جانِ پیمبر
.
.
دوتدی یوزینی ختم نبی شیر خدایه
چون گیتمه لیم یا علی منه سمت خدایه
قویما گله چوخ عترتیمی آه و نوایه
آغلار نجه گورسون قزی زهرانی پیمبر
.
.
ایلوبدی وصی حقّ سنی ختم رسوله
حکم،اللهی هر چند یتورمزله قبوله
بیر ظلم اولی مندنصورا زهرای بتوله
قبر ایچره چخار گوگلره افغان پیمبر
.
.
هم تاپشورورام جان سنون جان حَسنینیم
قویما ایلسون ناله و افغان حسنینیم
اکرام ایله تا اولمیا گریان حسنینیم
اونلاردیلا چون نور دو عینان پیمبر
.
.
مندن صورا بوبکر قیلار غصب خلافت
باغلالا سنون قوللاروی قوم شقاوت
چکمه قلجون صبر ائله ای کان شجاعت
منع ایلوری بو باره ده دعوانی پیمبر
.
.
بوندان صورا نه سوز اولی کفّار آراسیندا
بلّم اولارون بسکه نه سوز وار آراسیندا
زهرانی قویارلار در و دیوار آراسیندا
محسن بالاسی سقط اولار ای جان پیمبر
.
.
ظلمون اودی تا شعله چکر سمت هوایه
آرتار گونی گوندن یتیشر کرب و بلایه
دشمنلر عم اوغلی ال آچار ظلم و جفایه
یکسر پوزولار باغ و گلستان پیمبر
.
.
بو اوغلوم حسینون باشینی ذبح ایدر عدوان
اول کرب وبلا ایچره اولار قاننه غلطان
اوچ گون قالاجاق چولده بو گل پیکری عریان
چوخ خوار اولاجاق آل پریشان پیمبر
.
.
یاز بو غمی ای «مضطر» بیچاره نوا ایت
بی فایده دنیانی آتوب کسب بقا ایت
زنجیر ضلالتده ئوزون قویما رها ایت
وقت اولدی که رحلت قیلا دنیانی پیمبر
- چهارشنبه
- 1
- آبان
- 1398
- ساعت
- 11:47
- نوشته شده توسط
- ابوالفضل عابدی پور
ارسال دیدگاه