جدینه ای روح روان آغلاما
جانویروم فاطمه جان آغلاما
.
کنز حیا معدن عصمت قیزیم
ای شرف کون و مکان آغلاما
.
کفو علی اون بیر امامه آنا
شیر زن شیر ژیان آغلاما
.
تز اولی زهرا گل عمرون سولار
سروی یخار بادخزان آغلاما
.
حسرتیله توکمه بیله گوزیاشون
اتمه منیم باغریمی قان آغلاما
.
گل یوزیوه سیلی هله دگمیوب
خونِ دل اولموبدی روان آغلاما
.
داغ کیمی غم لرتوکولر اُستوه
قیل بو علیدنده نهان آغلاما
.
ویرمیوب اود ثانی بودرگاهیوه
بغضین هله اتموب عیان آغلاما
.
شیرخدا قوللاری باغلانمیوب
قامتون اولموبدی کمان آغلاما
.
توکمیوب ایسّی قانی مسمار هله
اولموب یوزون نیلی نشان آغلاما
.
آز قالوری ظلم الین اشرارآچا
دونسه ده بو دور زمان آغلاما
.
ایسته سن اجرا اولا قرآن و دین
هر نه جفا یتسه دایان آغلاما
.
مُحجۀ قلبیم ای انیسیم قیزیم
تز منه ملحق اولاسان آغلاما
.
گیزلد علیدن یارالی سینوی
کان وفا خیرزنان آغلاما
.
اولما رضا غصّه لنه مرتضی
قلبی دونه قانه بیرآن آغلاما
.
دشمنی چوخ یالقوز علیدورعلی
وار نه قدر صبرو توان آغلاما
.
سنسن اونون مشکلونی حل ایدن
داغ دلین دلدن آلان آغلاما
.
سن دوتاجاقسان او یداالله الین
دشمنی حیرتده قویان آغلاما
- چهارشنبه
- 1
- آبان
- 1398
- ساعت
- 14:9
- نوشته شده توسط
- ابوالفضل عابدی پور
- شاعر:
-
مرحوم محمد شیخ زادگان
ارسال دیدگاه