سبک:بزم عزاده گیمیشم و ممد نبودی ببینی
.
مسموم ائدوب زهر جفاگل باجی زینب
آز قالدی ئولسون مجتباگل باجی زینب
واویلا/یازهرا
.
.
زهر ستم تأثیر ائدوب حالیم یاماندی
دوغراندی اکبادیم داخی صبریم تالاندی
ال ور وجودیم گورنجه اود دوتدی یاندی
بو درده سن ایله دوا گل باجی زینب
.
.
آچ گوزلرون باخ بیرمنه ای مهربانیم
سس وئر سنه قربان اولا بوخسته جانیم
بو سودهٔ الماسیدن درد نهانیم
آرتور اورکده برملا گل باجی زینب
.
.
آلّاندی جعده وعدهٔ کذب و ریایه
ائتدی خیانت نور چشم مرتضایه
بو ائتدیگی ایش لرزه سالدی نه سمایه
آغلار بو حاله مرتضا گل باجی زینب
.
.
گور بیرنقدری مجتبی مظلوم اولوبدی
ئوز محرمیندن اینجیوب مغموم اولوبدی
آخرائوینده زهریله مسموم اولوبدی
ایندی سنی ایلور صدا گل باجی زینب
.
.
دور وئر خبرعباسه گلسون باشیم اوسته
گورسون منی جان اوستیم محزون وخسته
قویما حسینیم گلسه اولسون دلشکسته
چوخ سعی قیل ائتمه نوا گل باجی زینب
.
.
بیداراولوبدی خوابیدن زینب او ساعت
گوردی باجی قارداشینی بی تاب وطاقت
عرض ائتدی یاتمشدون یاتان وقته سلامت
آیا نه وار ائتدون ندا گل باجی زینب
.
.
مولا بویوردی سو گتور یاندیم سوسوزدان
دوغرانمش اکبادیم گلر آغزیمدان الان
طشت حاضر ایله ای باجی تا قَیتریم قان
ایستور وئره جان مجتبا گل باجی زینب
.
.
- چهارشنبه
- 1
- آبان
- 1398
- ساعت
- 15:27
- نوشته شده توسط
- ابوالفضل عابدی پور
- شاعر:
-
حاج رحمان شاجری زنجانی
ارسال دیدگاه