• جمعه 10 فروردین 03

 حاج اصغر فرشچی

متن شعر ترکی شهادت حضرت رسول اکرم (ص) -(صاحب قرآن ئولوب معناده قرآن آغلوری )

1341

صاحب قرآن ئولوب معناده قرآن آغلوری 
قدسیان ماتم دوتوبدی فاطمه قان آغلوری 
پیشوای مسلمین انسانِ انسان ساز ئولوب 
قاف وحدتده اولان سیمرغ تک پرواز ئولوب 
ایرمی اوچ ایل عمروده همّ وغمه دمساز ئولوب 
چهرۀ خورشید مستور، ماه تابان آغلوری 
هر نه وار مکتب جهاندا بو اونی مُلغا ایدوب 
عالمه رهبر اولوب نقشین گوزل ایفا ایدوب 
حکمت و علمیله دنیانون گوزون بینا ایدوب 
حیف اولا یومدی گوزون هجرانه یاران آغلوری 
قورتاران نفس جهالتدن بودی انسانلاری 
محو ایدن ظلماتی نوره دولدوران ایمانلاری 
معرض اجرایه قویدی حق ویرن فرمانلاری 
جان ویروب جانانینه کرّوبیان قان آغلوری 
احمدمرسلدی باعث خلق اولوبدی کاینات 
بیر لدنّی علمیله عالم لری ایلوبدی مات 
مِهرو اُلفتدن ویروبدی ذیحیاته بو حیات 
عالِمان و عارفان هم شهریاران آغلوری 
بو رسول اللهیدی باغ سخاوتدن ثمر 
شعشعه سالدی شعاعسی عالمه مثل قمر 
چوخ چکوب زحمت ایدوب بوگونده عقبایه سفر 
عالم ارواحیده خِیل رسولان آغلوری 
بو شه ابراردور افلاکِ علمه آفتاب 
آفتاب ایتدی کسوف گل صورته چکدی نقاب 
جسم پاکین آلدی آغوشه بو گون تیره تراب 
یم گلوب طغیانه امواج خروشان آغلوری 
هالۀ غم یوز قویوب تا شهر بطها اوستونه 
نقشۀ شومی چکولدی اهل دنیا اوستونه 
فاطمه آهی یتیشدی عرش اعلا اوستونه 
قوردولار شورای مخفی اهل ایمان آغلوری 
جانویرودی سویلدی یا فاطمه ایتمه نوا 
وار باشوندا چوخ قیزیم مندن صورا درد و بلا 
اود ویرلاّ باب وحیه بیعت اوسته برملا 
آغلاما آغلا گورنده جانه جانان آغلوری 
آسمان عصمته اون بیرستاره مادری 
سنسن عالمده ولایت بحرینون تک گوهری 
یانمیوب درگاهیمیزلیک اولمیوب دشمن جری 
سن گلوم سولسان گورللرهرگلستان آغلوری 
ای گل باغ رسالت تیز سولارسان آغلاما 
همّ و غمده ابر نیسان تک دولارسان آغلاما 
چوخ زمان گیچمزمنه ملحق اولارسان آغلاما 
آغلاما آغلاتما زهرا شاه مردان آغلوری 
آغلاما زهرا هله دست علی باغلانمیوب 
زهرظلمه مجتبانون سینه سی داغلانمیوب 
زینبون احوالینه شاماتیده آغلانمیوب 
کوفیه گلسن گوررسن غمگساران آغلوری 
کربلاده چون حسینون آرخاسی اوسته یاتار 
باش ویرر قرآن و دینه توپراقا قانین قاتار 
زلف زینب قتلگاه عشقیده قانه باتار 
گل بلادشتینده سیرایت موپریشان آغلوری 
لوح تقدیره یازولموش مین بلا و مین قضا 
بیرحقیقت دور قاباخدا ماجرای کربلا 
قان توکللر اوردا زهرا باش کسللرمن قفا 
واریری گورسن اوگونده عرش رحمان آغلوری 
بو حسینون احمد مختاری ایلر سر فراز 
قان وضو سیلن سالارتوپراقلار اوسته جانماز 
مقتدی لرکسب ایده للر اول نمازه امتیاز 
حشریده بیرده گوررسن بی نمازان آغلوری 
«عدلی» دور روز شهاتدن ایدوب شرح و بیان 
شعرینون یوخ قدرتی امّا دیوب قدر توان 
لیک آغلار حالیوه درگاهیمیزده هر زمان 
بزم غمده اونلا باهم نوحه خوانان آغلوری 

  • پنج شنبه
  • 2
  • آبان
  • 1398
  • ساعت
  • 10:21
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید


حجم فایل 281.98 KB
تعداد بازپخش 52
تاریخ بارگذاری پنج شنبه 2 آبان 1398 03:22
عنوان : به این سبک اجرا شود

ارسال دیدگاه



ورود با حساب گوگل

ورود کاربران