ذات پاکی سبب ایجاده خانم فاطمه دی
ملکوتیِّ بشر زاده خانم فاطمه دی
سیّده مَنظَر یکتاده خانم فاطمه دی
شافعه محشر کبراده خانم فاطمه دی
.
.
پیکـرماخَلَقَه دخت نبی جان یارانوب
بشره واسطۀ رحمت رحمان یارا نوب
فَضلُها واسِعَهٌ مایۀ غفران یارانوب
بارزه دیدۀ بیناده خانم فاطمه دی
.
.
فکر ایله منزلت خاکیِ پاک ادراکه
ارزش بی مَثَلی وِجهه ویروبدور خاکه
خاکیِ فوق مَلک اولدی سبب افلاکه
باعث خلقت طاهاده خانم فاطمه دی
.
.
عُنصُری صنعت ممدوحۀ حیّ یکتا
شامل قول تبارک شرفاً بی همتا
نِعمَتٌ مُطلَقَهٌ خالِقُها اَنعَمَها
حقّنی درک ایدن افراده خانم فاطمه دی
.
.
میوۀ پاک بهشتیدی اونا مبدأ ذات
که گتوردی اونی معراجدن احمد سوقات
جنّتی اصلدی عُلویدی پسندیده صفات
سیّده هر ایکی دنیاده خانم فاطمه دی
.
.
کِثرته غالبه دی قدرِده کوثردی بتول
دُرّ ومرجان بَجَرن بحر مُوَقّردی بتول
ذاتی محبوبه ومنظورۀ داوردی بتول
مُنزَلِ ناطقه معناده خانم فاطمه دی
.
.
دیه بیلمم اونا تای حضرت موسی آناسین
بانیِ کعبه خلیل الّلهون عُظمی آناسین
لا تُساوی گورورم حضرت عیسی آناسین
شأنِده فوق مسیحاده خانم فاطمه دی
.
.
اشکی تفسیر ایلین هَجمه و ظلم وجَدلی
صبری سرچشمۀ روحیّۀ والای علی
عترتون اشجعه سی شیرخدانون صاق الی
حیدره یاور آزاده خانم فاطمه دی
.
.
مکّه ده گلدی خلیل اللّهچون قربانی
هاجرون اوغلونی حفظ ایتدی حقِ منّانی
آلا نسلیندن اونون فاطمۀ زهرانی
هدف رَبّیَ الاعلاده خانم فاطمه دی
.
.
شیعیه حشره کیمی نسگل اولوب قصّۀ در
حالنه آغلادی افواج ملا ئک یکسر
صَدرُها مُنکَسِرَه غنچۀ پاکی پرپر
قانه غلطان دوشن اثناده خانم فاطمه دی
.
.
«منتظِر» فِدیۀ قرآن اولونان جانه فدا
در و دیوار آراسوندا توکولن قانه فدا
حقّی تبلیغ ایلین یاره لی جانانه فدا
دفن اولان قلب احبّاده خانم فاطمه دی