• پنج شنبه 9 فروردین 03

 سیدبشیر حسینی میانجی

متن شعر ولادت حضرت زهرا (س) -(قیزیل گول آچدی گول، گول‌لر سئویندی )

592

قیزیل گول آچدی گول، گول‌لر سئویندی
گلوب آوازه بولبول‌لر سئویندی
دیون زهرایه به به
گل طاهایه به به
آنادان اولدی زهرا
بو مه سیمایه به به
گلوب آوازه بولبول‌لر سئویندی
.
.
.
چیچک‌لَندی شعَفدن باغ طاها
بهشته دؤندی باشدان باشه دنیا
اولاندا، سجده ائتدی حقّه زهرا
خدیجه گولدو پیغمبر سئویندی
.
.
امامت مادری تاپدی ولادت
ولایت اهلینه اولسون بشارت
تلاطم ایله‌دی دریای رحمت
گولومسوندی صدف گوهر سئویندی
.
.
دؤنوبدور بو جهان باغ جنانه
ایشیق یئردن اوجالمیش آسمانه
ائشیتدی گلدی همتاسی جهانه
اؤرکدن شاد اولوب حیدر سئویندی
.
.
دگنده توپراقا خوش یُمن ایاقی
گولوب گول‌لر کیمی طاها دوداقی
آخوبدور دوپ دورو کوثر بولاقی
کتاب اللّهیده کوثر سئویندی
.
.
عطاسی آللّهین چون کوثر اولدی
اؤدور چوخ شکر ائدن پیغمبر اولدوی
اؤنا ابتر دییَن‌لر ابتر اولدی
صفا تاپدی دلِ مضطر سئویندی
.
.
اولا عشّاق یاره جام، مبارک
او جامدا باده‌ی گلفام، مبارک
امام عصره بو بایرام مبارک
بو بایرام‌دا هامی یکسر سئویندی
.
.
سئوینجکدی هامی بو میلادیندا
بئله بیر شأن یوخدور هئچ قادیندا
ائله بیر سرّ وار زهرا آدیندا
آدین یازدی قلم، دفتر سئویندی
.
.
الهی! بو گئجه درده دوا وئر
مریض عشق دلداره شفا وئر
«بشیر»ه عیدیانه کربلا وئر
دئسین‌لر پای آلوب نوکر سئویندی
.

  • پنج شنبه
  • 24
  • بهمن
  • 1398
  • ساعت
  • 9:6
  • نوشته شده توسط
  • سید محمد حسینی

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران