گَل ای عزیزه دختریم
ئولور بلالی فاطمه
یوخومدی یار و یاوریم
ئولور بلالی فاطمه
.
.
.
منیم ایشیقلی کوکبیم زمانه دن واریم گله
ئورکده قالدی مطلبیم ایشیم دوشوبدی مشکُله
گرامی نازلی زینبیم آناوی گل حلال ایله
سونور چراغ انوریم ئولور بلالی فاطمه
.
.
.
گوزل بالام گوزل قیزیم سوزومه ائت عمل قیزیم
گئدور آنون جهانیدن باشیمون اوسته گَل قیزیم
اگر چه سنده گَلمه سون گلوبدی بو اجل قیزیم
اجل اولوب دلاوریم ئولور بلالی فاطمه
.
.
.
دوگولموشم یورولموشام دوشوبدی اوت تفاقیمه
سولوبدی عمریمون گلی گَلوب اَجل سراقیمه
دؤزون منیم فراقیمه یتوبدی جان دوداقیمه
سیزه کُمکدی داوریم ئولور بلالی فاطمه
.
.
.
آلون آرایه سیز منی بو آخرین وصالیدی
سیزی دوباره گورمگیم داخی منه محالیدی
سینه م باتوب بالام ئولوب قولوم سینوب یارالیدی
یارالانوبدی پیکریم ئولور بلالی فاطمه
.
.
.
سسیمه یوخدی سس ویرن وطنیمون غریبیم
نه وار گَلن نه وار گِئدن وطنیمون غریبیم
منه چتیندور هر نه دن وطنیمون غریبیم
گَل ای گُل صنوبریم ئولور بلالی فاطمه
.
.
.
زنان یثربون منه بیری حمایت ائتمدی
بیلوردیلر مریضه ام کیمی عیادت ائتمدی
ایکی جهان طبیبینه گَلوب طبابت ائتمدی
دولوب بو غملی گوزلریم ئولور بلالی فاطمه
.
.
.
او گُله بنزرم قیزیم چمنده آچمامیش سولا
منیم که یوخدی بیر کسیم باشیمون اوسته باش یولا
بالاجا اللرونله گَل گوزومی باغلا سال یولا
بؤیوک قیزیم هنروریم ئولور بلالی فاطمه
.
.
.
صحیفۀ ملالیده ازلده ثبت اولوب آدیم
زمانه نون شیرین لیگین آز عمریمیله دادمادیم
آنام باجیمدا اولمادی نه قارداشیم نه بیر زادیم
قالوب ئورکده اللریم ئولور بلالی فاطمه
.
.
.
دئمم گلنده هر جفا تحمل ایلینمدیم
رضای حقی گوزلدیم بلایه دیلَّننمدیم
آز عمریم اولدی دهریده بیر آنی دینجلنمدیم
آغاردی باشیدا زفلریم ئولور بلالی فاطمه
.
.
.
یازار ملال و حالیمی ” فصیحی ” گوزده اشک تر
منه گلن بلالرون همیشه غصُه سین ییر
گَل ایستیک اِلاه دن اونا حق ایلسون نظر
اولا حقیقی نوکریم ئولور بلالی فاطمه
.
- پنج شنبه
- 1
- اسفند
- 1398
- ساعت
- 11:41
- نوشته شده توسط
- ابوالفضل عابدی پور
- شاعر:
-
بلال فصیحی زاد
ارسال دیدگاه