• جمعه 10 فروردین 03


متن شعر ترکی شهادت حضرت زهرا سلام الله علیها -(یامان مدینه ده دوندی زمانه یا زهرا )

721

یامان مدینه ده دوندی زمانه یا زهرا 
داها حکایتی گلمز بیانه یا زهرا 
او کسلری که قاپوندا دوراردی سائله تای 
چاتیبلا سلطنته غاصبانه یا زهرا 
فدک بهانه دی بو غاصبان بی وجدان 
دوتوبلا شیر خدانی نشانه یا زهرا 
بیلیر سنوندی فدک، اولین تقلب ائدن 
حدیث جعلینی ایلیر بهانه یا زهرا 
خلافتی، فدکی، دین پاک یزدانی 
ائدیبدی مضحکۀ کودکانه یا زهرا 
بو امر و نهی ائله ماق، حقی پایمال ائتماق 
خیال ائدیر کی قالار جاودانه یازهرا 
صحابه لر خفقاندان ، حضور مولایه 
گئجه گونوز گلیری الامانه یا زهرا 
یازیبلا اوّل و ثانی، رشیده قامتیوی 
اَگیب مبدل ائدیبدور کمانه یا زهرا 
کیمه دئسن اینانار ؟ گوندوزون گوزی وورالار 
پیمبرین قیزینا تازیانه یا زهرا 
او آتشی کی او گون سالدی خرمن دینه 
شراره سی چئخاجاق آسمانه یا زهرا 
دوباره سوق وئزیر بربریته خلقی 
به فعله سعی ائدیری عامدانه یا زهرا 
قنادسیز قوشا تای مرتضی علی نئجه گور 
ائدیبدی اوز ائوینی آشیانه یا زهرا 
نه یر، گوی اهلی دئییر کی علی کیمی مظلوم 
اینانما بیرده گله بو جهانه یا زهرا 
کیمه دئسین سوزونی، درد و غمدن اشک تری 
دونوبدی سن گئده لی گوزده قانه یا زهرا 
علی ده گول کیمی سولدی سارالدی دوشدی یره 
سنون کی دوندی بهارون خزانه یا زهرا 
علاجیم اولسا علینی، یاتاندا اهل نفاق 
مدینه دن چکرم آیری یانه یا زهرا 
علی سکوت ائده، جاهل سیاسی لار دانشا؟ 
مگر گلردی بو حالت گمانه یا زهرا 
او قهرمانین ایشی گورگیلن هارا یتیشیب 
مزارون اوسته گلیر مخفیانه یا زهرا 
نظام دینی اولار کی چووردی سلطنته 
گتیردی اهل مساواتی جانه یا زهرا 
ائله بیری بیرینه ، باطلیله حق قاریشیب 
قالیب آییرماسی صاحب زمانه یا زهرا 
تعصبات قبیله دوتوب دینین یرینی 
نشاط قالمادی پیر و جوانه یا زهرا 
بو دردیله نئجه (خسرو) سروده سین یازسین 
بهاره، گولشنه، سرو روانه یازهرا 
یازاندا قافیه دن چوخ مضیقه ده قالدی 
پناه آپاری بئله شایگانه یا زهرا 

  • پنج شنبه
  • 1
  • اسفند
  • 1398
  • ساعت
  • 11:47
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران