• جمعه 10 فروردین 03


متن شعر یا حضرت رقیه (ص) -(دردلره دوا رقیه آدوا فدا رقیه)

701
1

دردلره دوا رقیه
آدوا فدا رقیه
قاپوسینون سائلرینه
ایلیَن عطا رقیه

بیر عمریدور کی سنون قاپوندا گُزلریم اولوب تَر رقیه
منی قبول اِت کی سنه اولوم اولنجه من نوکر رقیه
نوکرلیگه گر  قابل الماسام بیر ایت کیمی هورم قاپوندا
شفاعت ایله آتوا دییم کی منده بیر حرم قاپوندا

بیر نظر قیل گدایه رقیه رقیه 
حاجت ور بی نوایه رقیه رقیه
دعوت اِت نوکرووی مزارووه اوردان
سال یولا کربلایه رقیه رقیه

یا رقیه یا رقیه

قوی دوتوم عزا حرمده
قوی اولوم گذا حرمده
لطف اله درگهوه گلیم
ایلیوم دعا حرمده

سیخیلارام من پرچمون آلتدا دیَرم ای خانم رقیه
منه نظر قیل قوی الیوم بیر باخیشوا بو جانی هدیه
خانوملیقوندان دگول اوزاق کی منده گلم پزقون حرمه
سنی من آندا ورورم آتون حسینه ائول صاحب کرمه

عشقوندور جاودانه رقیه رقیه
سسلرم عاجزانه رقیه رقیه
خرابه یرده قالماقوویلان نجه سن
ناز اِتدون آسمانه رقیه رقیه

یا رقیه یا رقیه

واردی چوخ گدا قاپوندا
ایلیَن دعا قاپوندا
لطف اِله خانم مریضه
ورگینن شفا قاپوندا

عالملره سن بابِ رجاسن مشکلگشاسن  جان رقیه
گزومون اوسته قدمووی قوی قدمووه قربان رقیه
 منه نظر قیل کی بینوایم سنه گدایم یا رقیه
منی قاپوندان اوزاقا سالما سنه فدایم یا رقیه

خلاقه بیر نشانه رقیه رقیه
حسینه نازدانه رقیه رقیه
تز یتر مقصده حرمووه گله کیم
سسلیه صادقانه رقیه رقیه

یا رقیه یارقیه

فاطمه سیَر رقیه
روحه بال و پر رقیه
دردی اولسا کیمون اورکدن
شوقیلن دیَر رقیه

اوزی ملیکه آتاسی سلطان آدوا قربان یا رقیه
روحیمه ریحان دردیمه درمان جانیمه جانان یارقیه
زهرایه خاطر خلق ایوب گر باری تعالی بو جهانی
الله امریلن سنده اولویسان اوچ یاشیندا زهرا نشانی

محترم یا رقیه رقیه رقیه
ذالکرم یا رقیه رقیه رقیه
قبریمین اولین گجه سینده گزومه
قوی قدم یا رقیه رقیه رقیه

یا رقیه یا رقیه

  • دوشنبه
  • 12
  • اسفند
  • 1398
  • ساعت
  • 19:44
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید


حجم فایل 608.81 KB
تعداد بازپخش 32
تاریخ بارگذاری دوشنبه 12 اسفند 1398 16:17

ارسال دیدگاه



ورود با حساب گوگل

ورود کاربران